EAEO elderi ortaq elektr-energetıkalyq naryq qalyptastyrýdy kózdep otyr
Osyǵan oraı salalyq vedomstvonyń basshysy Bolat Aqsholaqov Qazaqstan Parlamenti Májilisiniń otyrysynda tıisti hattamany maquldaý qandaı ekonomıkalyq nátıje alyp keletinin aıtty, dep habarlaıdy Almaty-akshamy.kz
Onyń sózinshe, qujatqa sáıkes el ekonomıkasyna oń áser etetin jańa erejeler qabyldanady dep kútilýde. Sondaı-aq biryńǵaı ekonomıkalyq keńistiktegi elderdiń ortaq júıesin qurý Armenıa, Belarýs, Qazaqstan, Qyrǵyzstan jáne Reseıdiń ulttyq elektr energıasy naryqtaryn ıntegrasıalaý jolymen ótetinin tilge tıek etti. Bul rette óndirýshiler men tutynýshylardyń ekonomıkalyq múddeleriniń teńgerimi saqtalatyn bolady. Buǵan qosa sala mamandary teń quqyqtyq, ózara tıimdilik jáne múshe memleketterdiń kez kelgenine qarjylyq zalal keltirmeý negizinde yntymaqtastyq ornatý úshin jaǵdaılar jasaıdy.
«Ekonomıkalyq tıimdilik jóninde aıtar bolsaq, Qazaqstannyń energıa júıesi jumysynyń turaqtylyǵyn qamtamasyz etý úshin odaqqa múshe elder, sondaı-aq shekaralas memlekettermen ózara is-qımyl boıynsha ázirlengen durys jáne naqty erejelerdiń bolýy tıis. Bul tikeleı baǵanyń ósýine alyp kelmeıdi. Sebebi onda osyǵan baǵyttalǵan erejeler qarastyrylǵan», - dedi QR Energetıka mınıstri Bolat Aqsholaqov.
.