Parlament Májilisi «QR Tuńǵysh Prezıdenti – Elbasy týraly» Konstıtýsıalyq zańǵa túzetýler engizip, Senatqa joldady. Bul jaıynda Májilis depýtaty Qanat Nurov málim etti, dep habarlaıdy Almaty-akshamy.kz QazAqparatqa silteme jasap.
«Memleket basshysynyń Parlamenttegi sońǵy sóılegen sózi shyn máninde revolúsıalyq boldy. Halyq jeńil tynys aldy. Endi Parlament pen Úkimet onyń barlyq negizdemelerin tolyq, shuǵyl ári naqty júzege asyrýy tıis. Eń aldymen Tuńǵysh Prezıdenttiń Qazaqstan halqy Assambleıasy men Qaýipsizdik keńesindegi ómir boıǵy tóraǵalyǵyn joıý qajet boldy. Bul jaıynda ol ózi jarıa etti jáne búgin biz iske asyrdyq», - dep jazdy depýtat Facebook-paraqshasynda.
Onyń atap ótýinshe, búgin Májilis tarıhı sheshim qabyldap, Konstıtýsıalyq zańdarǵa ózgerister engizgen.
«Senatqa «QR Tuńǵysh Prezıdenti – Elbasy týraly», «Qazaqstan halqy Assambleıasy týraly» jáne «QR Qaýipsizdik keńesi týraly» Konstıtýsıalyq zańdarǵa barlyq qajetti túzetýler jóneltildi. Endigi ýaqytta QHA men Qaýipsizdik keńesine tóraǵalyq zań boıynsha, tulǵasy boıynsha emes, laýazymyna baılanysty QR Prezıdentine tıesili bolady», - dedi Qanat Nurov.