UQSHU-ǵa múshe elder terorıstik shabýyl kezinde Qazaqstanǵa der kezinde qoldaý men kómek kórsetti
QR Qorǵanys mınıstrligi Halyqaralyq yntymaqtastyq departamentiniń bastyǵy Oljas Qusaıynov ortalyq komýnıkasıalar qyzmetinde ótken brıfıńide osyndaı pikir bildirdi, dep habarlaıdy Almaty-akshamy.kz QazAqparatqa silteme jasap
«Qazaqstanda UQSHU-nyń bitimgershilik áleýetin óristetý der kezinde jáne tıimdi boldy. İs júzinde vedomstvoaralyq jáne memleketaralyq ózara is-qımyl jáne uıym ishindegi úılestirý tetikteri pysyqtaldy. Memleket basshysy uıymnyń jaqsy tájirıbe jınaqtap, bedeldi áskerı-saıası uıym retinde óziniń tıimdiligin kórsetkenin atap ótti. İs júzinde bolǵan oqıǵalar UQSHU-nyń damýyndaǵy sheshýshi kezeń bolyp, qýatty halyqaralyq ınstıtýt retinde jańa sıpat aldy. Uıymǵa múshe elder terorıstik shabýyl kezinde Qazaqstanǵa der kezinde qoldaý men kómek kórsetti», - dedi mınıstrlik mamany.
Sondaı-aq, ol Qazaqstan Qorǵanys mınıstrliginiń atynan Armenıa, Belarýs, Qyrǵyzstan, Reseı jáne Tájikstan syndy uıymǵa múshe memleketterdiń qorǵanys vedomstvolaryna moraldyq turǵyda qoldaǵany, tikeleı jáne jedel áskerı kómek kórsetkeni úshin alǵys bildirdi.
«Bul operasıa kópjyldyq yntymaqtastyq barysynda jasalǵan tetikterdi is júzinde qoldanýdyń mysaly ǵana emes, sonymen birge odaqtas memleketterdiń jaýyngerlik baýyrlastyǵy men rýhynyń naqty dáleli retinde uıymnyń tarıhyna enetini sózsiz», - dedi Oljas Qusaıynov.