Eýrazıalyq Damý Banki (EADB) Almaty JEO-3 jańǵyrtý jumystaryn qarjylandyrady, bul jumystar aıasynda stansıa negizgi otyny retinde kómirden tabıǵı gazǵa aýystyrylady. Tıisti kelisimge EADB men «Almaty elektr stansıalary» AQ (AlES) qol qoıyldy, dep habarlaıdy almaty-akshamy.kz EADB baspasóz qyzmetine silteme jasap.
«Samuryq-Energo» AQ (AlES bas kompanıasy) júzege asyryp otyrǵan Almaty JEO-3 jańǵyrtý jobasy 500 MVt býgaz qurylǵysyn ornatý nátıjesinde elektrstansıanyń qýattylyǵyn kúsheıtetin jáne eptiligin arttyratyn túbegeıli jańartýdy qarastyrǵan. Jańarǵan JEO elektr jáne jylý energıalaryn quramdastyrylǵan túrde óndiredi.
Qarjylandyrý maqsatynda «Astana» Halyqaralyq qarjy ortalyǵynyń bırjasynda AlES turaqty damý oblıgasıalary (Sustainability – Linked Bond, SLB) shyǵarylatyn bolady. Jalpy nomınaldy kólemi 236,8 mlrd teńgege deıin turaqty damýmen baılanysty AlES birinshi oblıgasıalyq baǵdarlamasy 2023 jyldyń qyrkúıeginde tirkelgen. Anderaıteri «Sky Bridge Invest» AQ. Baǵdarlama – Ortalyq Azıadaǵy turaqty damý oblıgasıalarynyń eń iri shyǵarylymy.
«EADB Almaty JEO-3 jańǵyrtý jumysy sıaqty jobalardy júzege asyrýǵa baǵyttalǵan, bul turǵyda biz birneshe mańyzdy aspektini aıryqsha belgileımiz. Birinshiden, jaramdylyǵy bitken, tozǵan kómir energetıkalyq qazandyqtaryn zamanaýı, ekologıalyq taza tabıǵı gazben jumys isteıtin býgaz qurylǵylarǵa aýystyrý arqyly biz Qazaqstannyń iri qalasyndaǵy ekologıalyq ahýaldy jaqsartamyz. Bul Bank ustanǵan turaqty damý prınsıpterimen tolyǵymen sáıkes keledi. Ekinshiden, Ortalyq Azıadaǵy sý-energetıkalyq keshendi damytý boıynsha bizdiń iri ınvestısıalyq megajobamyzdyń júzege asyrylýy barysynda EADB joba bastaýyndaǵy jumystarǵa granttar bólý jáne qarjy berý arqyly memleketterge energetıkalyq qaýipsizdikke qol jetkizýde belsendi túrde kómektesýde. Aqyrynda, biz kapıtal tartýda jańa mehanızmderdi jasaýda belsendi qoldaý kórsetip, Sustainability – Linked Bond turaqty damý oblıgasıalaryn shyǵarýǵa qýana qatysýdamyz», - deıdi EADB Basqarma tóraǵasynyń orynbasary Rýslan Dálenov.
Anyqtama:
Eýrazıalyq damý banki — halyqaralyq qarjy uıymy, Eýrazıa keńistiginde ınvestısıalyq qyzmetti júzege asyrady. 17 jyldan astam EADB qatysýshy memleketterdiń jan-jaqty damýyna jáne ekonomıkalyq baılanystarynyń keńeıýi men nyǵaıýyna qoldaý kórsetýde. EADB jarǵy kapıtaly 7 mlrd AQSH dollaryna teń. EADB portfeliniń negizgi bóligin kólik ınfraqurylymy, sıfrlyq júıeler, jasyl energetıka, aýyl sharýashylyǵy, óndiris jáne mashına jasaý salalaryndaǵy ıntegrasıalyq jobalar quraıdy. Óziniń qyzmetinde Bank BUU turaqty damý oblysyndaǵy maqsattaryn jáne ESG prınsıpterin basshylyqqa alady.
«Almaty elektr stansıalary» AQ (AlES) – energıa óndirý uıymy, Almaty qalasy jáne Almaty oblysynda jylý jáne elektr energıasyn óndirý boıynsha qyzmetti atqarady. «Samuryq-Energo» AQ elektroenergetıkalyq holdıńtiń quramyna kiredi. AlES elektr jáne jylý energıasymen Almaty aımaǵynyń 70% tutynýshysyn qamtamasyz etedi. Kompanıa quramynda - 1-JEO, 2-JEO, 3-JEO, Batys jylý kesheni, Qapshaǵaı GES, Kaskad Almatylyq GES, «Enorgojóndeý» óndiristik jóndeý kásiporny, OQTO (Otyndy qabyldaý jáne túsirý ortalyǵy).
«Samuryq-Energo» AQ – Qazaqstandaǵy iri elektrenergıalyq holdıń. Qyzmetiniń negizgi baǵyttary: elektr jáne jylý energıasyn óndirý; elektrenergıasyn berý, retteý jáne satý; energetıkalyq kómirdi óndirý. Holdıń quramyna energetıkalyq jáne kómir kásiporyndary kiredi, olardyń ishinde «Ekibastuz 1-MAES» JSHS, «Ekibastuz 2-MAES Stansıasy» AQ, «Bogatyr Kómir» JSHS, «Almaty elektr stansıalary» AQ, «Moınaq SES» AQ, «Shardara SES» AQ jáne t. b. Holdıń 2007 jyly qurylǵan. Aksıalar (100%) ıesi «Samuryq - Qazyna» AQ.