Májilis depýtattary "Mass-medıa týraly" zań jobasyn ilespe túzetýlerimen birinshi oqylymda maquldady.
Negizgi zań jobasy memleket múddesin, qoǵamnyń suranysyn jáne medıa salasynyń damý úrdisterin eskere otyryp, buqaralyq aqparat quraldary týraly zańnamany jetildirýge baǵyttalǵan, dep habarlaıdy almaty-akshamy.kz.
"Qujatta jýrnalıserdiń mártebesin kóterý, quqyqtaryn nyǵaıtý, sondaı-aq olardyń mindetterin keńeıtý boıynsha jaǵdaı jasaý qarastyrylǵan. Ol úshin BAQ materıaldaryna úsh jyldyq eskirý merzimin belgileý jáne memlekettik organdardyń BAQ-tyń jazbasha ótinishterin qaraýyn 7 jumys kúninen 5 jumys kúnine deıin qysqartý usynylady", - dep jazylǵan májilis habarlamasynda.
Sonymen qatar jyl saıyn jýrnalıserdiń quqyqtary men bostandyqtarynyń saqtalýyna taldaý, olardyń jaǵdaıyn baǵalaý jáne tıisti usynymdary bar Ulttyq baıandama daıyndalady.
2025 jyldan bastap memlekettik emes BAQ respýblıkalyq deńgeıde granttyq qarjylandyrýǵa kóshedi. Otandyq teleradıo habarlaryn taratýdy damytý maqsatymen spýtnıktik teleradıo habarlaryn taratý operatorlary shyǵyndarynyń bir bóligi sýbsıdıalanady. Sonymen qatar jýrnalıserdi akredıtteýdiń biryńǵaı júıesin engizý máselesi qarastyrylady.