Saılaý saıası naýqan bolyp tabylady. Biraq Prezıdent saılaýy týraly sóz bolǵanda, munyń saıası aýqymy, eldik muraty, halyqtyq qasıeti barynsha keń aýqymǵa aınalady. Óıtkeni halyq qashanda ádil saılaý men ádiletti senimge ıek artqan. Sol arqyly óziniń de bolashaq baıanyna senimdilik tuǵyryn ornyqtyrǵan. 2022 jyldyń 1 qyrkúıeginde Memleket basshysy Qasym-Jomart Toqaev bıyl kúzde kezekten tys prezıdent saılaýy ótetinin málimdedi.
«Men bıylǵy kúzde kezekten tys prezıdent saılaýyn ótkizýdi usynamyn. Ádiletti Qazaqstandy qurý jolynda túbegeıli jáne jan-jaqty reformalardy tabysty júzege asyrý úshin halyqtyń jańa senim mandaty qajet. Men úshin memleket múddesi bárinen bıik. Sondyqtan men ókilettik merzimimdi qysqartýǵa jáne kezekten tys prezıdent saılaýyna barýǵa daıynmyn», - dedi Prezıdent Qazaqstan halqyna Joldaýynda.
Prezıdenttikke kim kandıdat bola alatyny jaıly toqtala ketsek, Konstıtýsıaǵa sáıkes, Qazaqstan Prezıdenti bolyp týmysynan respýblıka azamaty bolyp tabylatyn, 40 jasqa tolǵan, memlekettik tildi erkin meńgergen, Qazaqstanda sońǵy 15 jyl boıy turatyn jáne joǵary bilimi bar respýblıka azamaty saılana alady. Odan bólek, «Saılaý týraly» Konstıtýsıalyq zań boıynsha, memlekettik qyzmette nemese saılanbaly memlekettik laýazymdarda keminde 5 jyldy quraıtyn jumys tájirıbesi bolýy, sondaı-aq belsendi saılaý quqyǵyna ıe bolýy tıis.
Saılaý merzimine toqtala ketetin bolsaq, el Prezıdentin jalpyǵa birdeı, teń jáne tóte saılaý quqyǵy negizinde respýblıkanyń kámeletke tolǵan azamattary jasyryn daýys berý arqyly bes jyl merzimge saılaıdy. Alaıda jýyrda Qasym-Jomart Toqaev Prezıdent mandatyn 7 jyldyq bir merzimmen shekteýdi usyndy. Iaǵnı qaıta saılanýǵa tyıym salynady.
Bıyl bizde 6 úmitker bar: Toqaev Qasym-Jomart Kemeluly, Qajyken Meıram Zekeshuly, Daırabaev Jıgýlı Moldahalyquly, Abden Qarakat Jaqsylyqqyzy, Tursynbekova Saltanat Parhatqyzy, Áýesbaev Nurlan Satybaldyuly.
Jeńimpaz daýys berýge qatysqan saılaýshylardyń 50%-nan astamynyń daýysyn alǵan kandıdat saılandy dep esepteledi. Eger kandıdattardyń birde-biri kórsetilgen daýys sanyn ala almasa, qaıtadan daýysqa salynady, oǵan kóp daýys alǵan eki kandıdat qatysady. Daýys berýge qatysqan saılaýshylardyń eń kóp daýysyn alǵan kandıdat saılandy dep esepteledi.
Prezıdenttiń Q.-J. Toqaevtyń kezekten tys saılaý ótqizýeiniń sebebi nede degen suraq kópshiliktiń kókeıinde júrgeni jasyryń emes. Oǵan ártúrli pikir bar qoǵamda. Sonyń biri, kópshilikke málám, óziniń bıylǵy halyqqa Joldaýynda Prezıdent qazirgi jaǵdaıda qazaqstandyq ekonomıkanyń damý baǵyty men sapasyn túbegeıli ózgertý mindetterin belgiledi. Osy maqsatta atalǵan áleýmettik-ekonomıkalyq reformalardy nátıjeli ótýi maqsatynda elde 2022 jyldyń 5 maýsymynda respýblıkalyq referendým ótti.
Kezekten tys saılaýdyń halyq ádil ótkenin qalaıdy, al jańa prezıdentten elimizdiń kórkeıip damýyn, ál-aýqytymyzdyń kóterilýin kútedi. Qazirgi Prezıdentimiz Qasym-Jomart Toqaev myrzanyń jasap jatqan saıasaty halyqqa unaıdy, eger saılaýda Qasym-Jomart Toqaev Kemeluly jeńetin bolsa, onda halyq qazirgi saıasattyń ári qaraı jalǵasa bergenin qalaıdy. Prezıdenttik saılaý ár qashan elimiz úshin tarıhı sát bolyp qalady. Tarıhı sátte tańdaýly kezeńdi úlken úmitpen kútip, osy jolda azamattyq daýsymyzdy ashyq bildireıik! Bul saılaý árbir qazaqstandyqqa úlken jaýapkershilik, azamattyq borysh bolyp sanalady. Memleket damýynda memlekettik qyzmet júıesinde uzaq jyldardan beri kele jatqanda baıqalǵan bir aqıqat: Prezıdent saılaýy - eldiń bolashaǵy. El bolashaǵy - tulǵanyń qolynda, tulǵanyń bolashaǵy – eldiń jolynda!