Ábý-Dabıde ardagerler arasynda dzúdodan álem chempıonatyna almatylyqtar da qatysty.
Ábý-Dabıde ardagerler arasynda dzúdodan álemdik birinshilik aıaqtaldy, dep habarlaıdy Almaty-akshamy.kz.
Uıymdastyrýshy - Halyqaralyq dzúdo federasıasy. Qazaqstandyqtar álemniń 64 komandasy arasynda jalpy komandalyq esepte 3-orynǵa ıe boldy.
AQSH, Brazılıa, Japonıa, Koreıa jáne t.b elderden 1000 - nan astam ardager sportshylar qatysty. Bul jarysqa baryp-kelgen eki almatylyq- Marat Myrzalıev jáne Serik Mámetıazovpen sóılesý múmkindigi týdy.
Marat - 63 jasta, Serik - 48 jasta. Olar Qazaqstanda jyl saıyn ardagerler arasynda jas boıynsha dzúdodan birinshilik ótkiziletinin aıtty. Júldegerler álem chempıonatyna qatysa alady. Dzúdoda ardagerler jarysyna 35 jastan bastap ruqsat etiledi. Sondaı - aq, salmaq pen jas boıynsha bólinedi - 45-49 jas, 50-54, 60-65, 66-73, 74-80, 81-85.
Marat óziniń qazirgi sportshy jáne jattyqtyrýshy ekenin aıtty. Ol «Do star» klýbyn qurǵan, onda qalanyń dzúdo ardagerleri jınalady. Klýb Baızaqov-SHevchenkoda ornalasqan sport mektebiniń zalyn óz esebinen jalǵa alady. Aptasyna 5 kún jattyǵady. Jeksenbide-Medeýde kros-júgirý, nemese fýtbol, basketbol, baseın ótedi. Ábý - Dabıde Qazaqstan quramasynda 20 almatylyq boldy. Olar abyroımen óner kórsetti. Bir altyn, bir kúmis jáne eki qola medal jeńip aldy. Altyn medal - Aıtymov Nasreddınde, kúmis-Mámetıazov Serik jáne qola-Myrzalıev Marat pen Qońyrbaev Jánibekke buıyrdy.
Qazaqstannyń basqa qalalarynan da qurama dzúdoshylary laıyqty óner kórsetti. Kúres zalynda elimizdiń ánurany segiz ret shyrqaldy. Sońǵy kúnge deıin bizdiń erler komandasy birinshi orynda boldy. Jalpy komandalyq esepte erler men áıelder komandalarynyń qatysýy eskerildi. Bizde áıelder komandasy bolǵan joq. Fransýz áıelderi 3 medal jeńip aldy jáne Fransıa quramasy jalpy komandalyq esepte birinshi boldy. Brazılıa quramasy ekinshi, Qazaqstan úshinshi orynǵa ıe boldy. 64 komandanyń ishinde bul - tamasha nátıje, sportshylar Qazaqstandy laıyqty túrde tanystyrdy.
Ardager dzúdoshylar - Marat pen Serik aǵalarymyz óz qarajattaryna zal jaldap, onda balalardy tegin jattyqtyrady. Degenmen ardager sportshylar joǵary jaqtan, mınıstrlik tarypynan ózderine qoldaý, demeýshilik joǵyn aıtyp,qynjylady. El atyn syrtta tanystyryp júrgen sportshylar osy jaǵyna kóńil bólinse dep tileıdi.