Prezıdent tıisti jarlyqqa qol qoıdy.
Qazaqstan Prezıdenti Úkimette birqatar taǵaıyndaýlar jasady, dep habarlaıdy Almaty-akshamy.kz Aqordanyń resmı saıtyna silteme jasap.
Memleket basshysynyń Jarlyǵymen Oljas Abaıuly Bektenov Qazaqstan Respýblıkasy Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) tóraǵasy laýazymyna taǵaıyndaldy.
Al Janat Elımanov Qarjylyq monıtorıń agenttigi basshysy qyzmetinde qaldy.
"Janat Qaldybekuly Elımanov Qazaqstan Respýblıkasy Qarjylyq monıtorıń agenttiginiń tóraǵasy laýazymyna taǵaıyndaldy. Tıisti jarlyq Aqordanyń saıtynda jarıalanǵan", - delingen Aqordanyń resmı saıtynda.
Memleket basshysynyń Jarlyǵymen Sáken Saıynuly Isabekov Qazaqstan Respýblıkasy Memlekettik kúzet qyzmetiniń bastyǵy laýazymyna taǵaıyndaldy.
Sonymen qatar Prezıdenttiń Jarlyǵymen Prezıdenttiń İs Basqarýshysy laýazymyna Aıbek Arqabaıuly Dádebaev taǵaıyndaldy. Tıisti jarlyq Aqordanyń saıtynda jarıalandy.
Prezıdent Darhan Medeǵalıuly Jazyqbaevty Qazaqstan Respýblıkasy Memlekettik qyzmet isteri agenttiginiń tóraǵasy laýazymyna taǵaıyndady.
Áset Armanuly Erǵalıev Qazaqstan Respýblıkasy Strategıalyq josparlaý jáne reformalar agenttiginiń tóraǵasy laýazymyna taǵaıyndaldy.
"Áset Armanuly Erǵalıev Qazaqstan Respýblıkasy Strategıalyq josparlaý jáne reformalar agenttiginiń tóraǵasy laýazymyna taǵaıyndalsyn.Qazaqstan Respýblıkasynyń Prezıdenti Q.Toqaev
Astana, Aqorda, 2022 jylǵy 28 qarasha, № 18", - dep jazylǵan Jarlyqta.
Al, Básekelestikti qorǵaý jáne damytý agenttiginiń tóraǵasy óz ornynda qaldy.
Marat Talǵatuly Omarov Qazaqstan Respýblıkasy Básekelestikti qorǵaý jáne damytý agenttiginiń tóraǵasy laýazymyna taǵaıyndaldy. Tıisti Jarlyqqa búgin Prezıdent qol qoıdy, dep habarlaıdy Almaty-akshamy.kz.
