Almatyda «Narkostoptyń» jas eriktileri kınolog-polıseılerdiń jumysymen tanysty.
QR İİM Kınologıalyq ortalyǵynda “Narkostop” eriktiler lıgasyna ekskýrsıa uıymdastyryldy, dep habarlaıdy Almaty-akshamy.kz Polisia.kz-ke silteme jasap.
«Belsendi azamattyq ustanymy bar ul-qyzdarǵa qyzmettik-izdestirý ıtteriniń jumysy jáne olardy esirtkiniń zańsyz aınalymyna qarsy kúreste paıdalaný múmkindikteri kórsetildi. Eriktiler kınolog-polıseılerdiń jumysymen tanysýǵa jáne arnaıy qorǵanys jeńin kıip, iz kesýshilerdi oqytýǵa jeke qatysýǵa múmkindik aldy. Qonaqtardyń biri qaskóıdiń rólin jaqsy somdady, ony tórt aıaqty tártip saqshylary ustady», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Uıymdastyrýshylardyń aıtýynsha, is-sharaǵa 30 adam qatysqan. Bul baǵyttaǵy jumystar jalǵasyp jatyr.