Jambyl oblysy Shý aýdanyndaǵy ana ólimi faktisi boıynsha Densaýlyq saqtaý mınıstrliginiń Medısınalyq jáne farmasevtıkalyq baqylaý komıteti Shý aýdanynyń emhanasy men aýdanaralyq ortalyq aýrýhanasyna qatysty táýelsiz sarapshylardy tarta otyryp, tekserýdi bastady.
Tekserý júrgizý kezeńinde Shý aýdanynyń aýdanaralyq ortalyq aýrýhanasynyń bas dárigeri men perzenthana bólimshesiniń meńgerýshisi atqaratyn laýazymdarynan shettetildi, dep habarlaıdy aqshamnews.kz
Jambyl oblysy Densaýlyq saqtaý basqarmasy basshysynyń mindetin atqarýshy E. Musabaev tártiptik jaýapkershilikke tartylyp, qatań sógis shyǵaryldy.
Medısınalyq kómek kórsetýdiń standarttary men qaǵıdalaryn buzýǵa jol bergen basqa adamdarǵa qatysty da jumystan shyǵarýǵa deıin tártiptik sıpattaǵy sharalar qabyldanatyn bolady.
Densaýlyq saqtaý mınıstri Jambyl oblysynyń ákimimen óńirlik bosandyrý qyzmeti jumysynyń sapasyn jaqsartý jónindegi is-qımyl josparyn talqylady.
Jambyl oblysynda medısınalyq kómek kórsetýdi uıymdastyrýdy jetildirý maqsatynda vedomstvo basshysy Taraz qalasynda vıse-mınıstr E.Nurlybaevtyń tóraǵalyǵymen ana men bala densaýlyǵyn saqtaý jónindegi úılestirý keńesiniń kóshpeli otyrysyn ótkizýdi tapsyrdy, onyń sheńberinde medısınalyq kómektiń qoljetimdiligi men sapasyn jaqsartý boıynsha jedel sharalar ázirleý josparlanýda.
Densaýlyq saqtaý mınıstrliginiń komısıasy medısınalyq kómek kórsetý standarttaryn buzýshylyqtardy joıý maqsatynda Jambyl oblysynyń barlyq bosandyrý uıymdaryna monıtorıń júrgizýge bastamashylyq jasady.
Budan basqa, Shý kópbeıindi ortalyq aýrýhanasynyń perzenthana bólimshesiniń tósekterin akýsherlik-gınekologıalyq kómek kórsetýdi óńirlendirýdiń II deńgeıine sáıkes keletin aýdandyq ortalyq aýrýhana deńgeıine aýystyrý josparlanýda.