Búdjet jobasy talqylandy.
Almaty aglomerasıasyn birkelki damytý arqyly basqarylatyn ýrbanızasıa. Bul týraly Erbolat Dosaev Almatynyń qalasynyń 2023-2025 jyldarǵa arnalǵan búdjet jobasyn qaraý barysynda aıtty, dep habarlaıdy Almaty-akshamy.kz.
«Qala turǵyndarynyń joǵary ómir súrý sapasyn qamtamasyz etý, qalanyń polıortalyq prınsıpin damytý úshin jańa qala qurylysy quraldary men tásilderin engizý arqyly zamanaýı ýrbanıstik sheshimder qoldanylatyn bolady. Bul úshin bizdiń megapolıste berik negiz bar», - dedi Erbolat Dosaev.
Ákimniń aıtýynsha, ýrbanızasıa prosesterin tezdetip damytý jónindegi boljamdardy eskere otyryp, 2040 jylǵa deıingi jańa Bas jospary ázirlendi. Endi ony 2023 jyldyń I toqsanynda Qazaqstan Respýblıkasy Úkimetiniń sheshimimen bekitý josparlanyp otyr.
«2040 jylǵa deıingi Bas jospardy bekitý aýmaqtardyń árkelki damýyn joıýǵa, áleýmettik, ınjenerlik jáne kóliktik qamtamasyz etý, ınfraqurylymnyń bolýy máselelerin sheshýge, Almaty halqynyń ómir súrý sapasyn jaqsartýǵa múmkindik beredi», - dedi qala ákimi.