Bul týraly máslıhat sesıasynda Almaty qalasynyń 2023-2025 jyldarǵa arnalǵan búdjet jobasyn qaraý barysynda Erbolat Dosaevty málimdedi, dep habarlaıdy Almaty-akshamy.kz.
Memleket basshysynyń Almaty ekonomıkasyn ártaraptandyrý jónindegi tapsyrmalaryn eskere otyryp, negizgi ekpin óńdeý ónerkásibin, týrızmdi, IT-sektordy jáne kreatıvti ındýstrıalardy damytýǵa baǵyttalatyn bolady.
Almaty ındýstrıalyq aımaǵynyń II kezeńin damytý úshin aýmaqty 189 gektarǵa keńeıtý josparlanǵan. Bul usynysty Memleket basshysy maquldady. Qazirgi ýaqytta ınjenerlik ınfraqurylym boıynsha jobalaý-smetalyq qujattama ázirlenip jatyr. Kóktemgi naqtylaý kezinde jobany respýblıkalyq búdjetten qarjylandyrý úshin 2023-2024 jyldarǵa 40 mlrd. teńge somasyna búdjettik ótinim berý josparlanǵan.
Qalada shaǵyn jáne orta ındýstrıalyq kásipkerlerge arnalǵan ónerkásiptik parkter belsendi damyp keledi. Qazirgi tańda 8 ónerkásiptik park salyndy (ınvestısıa somasy 2,2 mlrd. teńge), taǵy 11 ónerkásiptik park salynyp jatyr, onyń ishinde 2023 jyly 3,5 mlrd. teńge somasyna 7 ónerkásiptik parkti iske qosý josparlanǵan.
Kreatıvti ındýstrıalardy damytý úshin 10 mlrd. teńge somasyna kreatıvti ındýstrıalardyń venchýrlik qoryn qurý kózdelgen, onyń ishinde 5 mlrd. teńge - jeke ınvestısıalar esebinen.
Qala ekonomıkasynyń draıveri retinde týrızmdi damytý maqsatynda Memleket basshysynyń tapsyrmasyn oryndaý úshin Almaty oblysynyń ákimdigimen birlesip, jeke ınvestorlardy tarta otyryp, Týrgennen Qaskeleńge deıin Almaty taý klasterin damytý sharalary qabyldanatyn bolady.
Jalpy, 2023 jylǵa respýblıkalyq jáne óńirlik baǵdarlamalar sheńberinde basym baǵyttardaǵy (óńdeýshi ónerkásip, kreatıvti ekonomıka, IT) 2,6 myńǵa jýyq jobany qarjylandyrý úshin búdjetten 40 mlrd. teńgeden astam qarajat bólý josparlanǵan (jergilikti búdjet – 10,6 mlrd., respýblıkalyq búdjet – 29,4 mlrd.). Bul sharalar ekonomıkanyń ortasha jyldyq ósimin 5,0% deńgeıinde qamtamasyz etýge baǵyttalatyn bolady.