Qazirgi ýaqytta Almaty qalasynda 200 myńǵa jýyq adam ortalyq sýmen jabdyqtaý júıesine turaqty qosylmaǵan.
16 qarashada Memleket basshysy qala jurtshylyǵymen kezdesý ótkizip, Almatynyń árbir azamaty úshin qolaıly ortany damytý jóninde birqatar tapsyrmalar berdi, dep habarlaıdy Almaty-akshamy.kz.
«Turǵyndardy birinshi kezekte qalanyń batys bóligindegi halyqty aýyz sýmen qamtamasyz etý maqsatynda 2023 jyldyń maýsym aıynda Qarǵaly ózeninde sý jınaý qurylǵysyn salý jumystaryn aıaqtaý jáne Aqsaı ózenindegi sý jınaý qurylǵysynyń qurylys-montajdaý jumystaryn odan ári júrgizý úshin kelesi jyly 8,6 mlrd. teńge qarastyrylǵan», - dedi qala ákimi Erbolat Dosaev.
4,4 mlrd. teńgege "Nıjnáá Pátıletka", "Shýaqty", "Jas Qanat", "Kamenskoe Plato", "Keńsaı" jáne t.b. shaǵynaýdandarda sýmen qamtý jáne sý burý jelileriniń qurylysy jalǵasatyn bolady.
"Shańyraq-1,2", "Ójet" shaǵynaýdandarynda, Qazybaev-Rysqulov-Tátibekov-Raıymbek kósheleriniń bóliginde jáne t.b. 2023 jyldyń sońyna deıin 3,2 mlrd. teńgege ınjenerlik jelilerdiń qurylysy aıaqtalady.
Sonymen birge, Iýbıleınyıdan "Kólsaı" shaǵynaýdanyna deıin, "Alǵabas" jáne "Maıak", "Shapaǵat" shaǵynaýdandarynda, Álmerek aýylynda 10,8 mlrd. teńgege sýmen jabdyqtaýdyń magıstraldy jáne taratýshy jelileriniń jańa qurylysy bastalady, 170 myńǵa jýyq turǵyn qamtylady.
"Kemel", "Álmerek", "Kolhozshy", "Shýaqty" shaǵynaýdandarynda, Palladın kóshesinde 4,6 mlrd. teńge somasyna elektrmen jabdyqtaý jelileri men «Almagúl», «Tuzdybastaý» 2 podstansıasynyń qurylysy aıaqtalady. Bul 540 myń tutynýshyny úzdiksiz elektrmen qamtamasyz etýge múmkindik beredi.
Kelesi jyly Almaly jáne Jetisý aýdandaryndaǵy ("Aınabulaq" shaǵynaýdany) jylý jelilerin rekonstrýksıalaý bastalady. Bul maqsattarǵa búdjetten 1,6 mlrd. teńge bólindi. 1,5 mlrd. teńgege Qazybek bı kóshesindegi Abdýlınder men Ýálıhanov kósheleriniń arasyndaǵy jáne "Qulager" shaǵynaýdanynyń 113 myńnan astam turǵyny úshin jelilerdi rekonstrýksıalaýdy aıaqtaımyz.
Bostandyq, Naýryzbaı aýdandaryndaǵy 450 myń tutynýshyny jylýmen qamtamasyz etý maqsatynda «Ońtústik aýdandyq qazandyq» jáne «Premera-2» qazandyǵyn rekonstrýksıalaýdy aıaqtaýǵa 530 mln. astam teńge qarastyrylǵan.