Qazirgi ýaqytta Qazaqstanda kóptegen áskerı qyzmetshiler turǵyn úı tólemderiniń keshigýine shaǵymdanýda, dep habarlaıdy aqshamnews.kz
Olardyń aıtýynsha, aılyq jalaqylary az, sondyqtan bul tólemder olar úshin úlken kómek bolatyn. Alaıda, sońǵy ýaqytta mamyr aıynda ótetin áskerı paradqa baılanysty eki aı boıy áskerı qyzmetshilerge eshqandaı tólemderdiń túspeıtini týraly áńgimeler tarap júr.
Mınıstrlikten málim etkendeı, bul jaǵdaı ýaqytsha bolyp tabylady. Qazir olar turǵyn úı tólemderin tolyq kólemde múmkindiginshe tezirek tóleý úshin barlyq qajetti sharalardy qabyldap jatyr.
«Bul jaǵdaı aldaǵy áskerı paradqa esh qatysy joq. Baıbalam týdyrýǵa eshqandaı sebep joq», — dep atap ótti mınıstrlikten.
Sonymen qatar, Qorǵanys mınıstrligi tólemderdiń keshigýi saldarynan áskerı qyzmetshilerdiń nesıeleri boıynsha keshiktirilgen tólemder bolýy múmkin ekenin eskerip, memlekettik qurylymdar bankterge áskerı qyzmetshilerge qatysty aıyppul sanksıalaryn qoldanbaý týraly ótinish joldanǵan.