Qazaqstan qor bırjasy (KASE) 25 maýsym kúni saǵat 15:30-da shetel valútalary boıynsha saýda-sattyqty japty, dep habarlaıdy almaty-akshamy.kz.
Saýda nátıjesinde dollardyń ortasha saralanǵan baǵamy 1,77 teńgege kóterilip, 467,29 teńgeni qurady.
Qytaı ıýaniniń ortasha saralanǵan baǵamy 64,07 teńgeni (+0,29) qurap, azdap ósti.
25 maýsymda QR Ulttyq banki dollar baǵamyn 464,72 teńge, eýrony 496,32 teńge, rúbldi 5,4 teńge dep bekitti.
Bul rette munaıdyń álemdik baǵasy tómendeı bastady.
ICE Futures elektrondyq saýdasynda Brent fúchersteriniń quny 0,09%-ǵa arzandap, barreline 85,07 dollardy qurady.
NYMEX elektrondyq saýdasynda WTI munaı fúchersteri barreline 0,09%-ǵa arzandap, 81,56 dollardy qurady.