Air Astana toby 24 maýsymda Ulybrıtanıanyń Fairmont Windsor Park-inde ótken bedeldi World Airline Awards 2024 saltanatty rásiminde joǵary marapattarǵa ıe boldy, dep habarlaıdy almaty-akshamy.kz.
Air Astana áýekompanıasy on ekinshi ret Ortalyq Azıa men TMD-nyń úzdik áýekompanıasy dep tanylyp, segizinshi ret«Ortalyq Azıa men TMD-da úzdik borttyq qyzmet kórsetý» marapatyna ıe boldy. Budan basqa, Air Astana-ǵa tıesili FlyArystan búdjettik áýekompanıasy ekinshi ret«Ortalyq Azıa men TMD-daǵy úzdik búdjettik tasymaldaýshy» marapatyna ıe boldy.
Air Astana Group bas atqarýshy dırektory Pıter Foster: "Óńirdegi úzdik qyzmetimiz úshin taǵy da joǵary baǵa alǵanymyz úlken mártebe. Bul marapattar Air Astana men FlyArystan-daǵy búkil komandamyzdyń joǵary standarttardy ustanýda jáne árbir reıste bizdiń klıentterimizdiń qanaǵattanýshylyǵyn qamtamasyz etýdedegen adaldyqty kórsetedi. Osy bedeldi nagradalardy alý bizdiń qyzmet kórsetýdiń barlyq aspektilerinde kemeldenýge myzǵymas adaldyǵymyzdy kórsetedi».
Marapat týraly
1999 jyly qurylǵan World Airline Awards syılyǵy táýelsiz jáne beıtarap bolyp tabylady, klıentterdiń qanaǵattanýshylyǵyn jahandyq zertteýdi qamtamasyz etedi. «Avıasıa ónerkásibiniń Oskary» dep atalatyn Skytrax álem boıynsha saıahatshylardyń sapardan qanaǵattanýshylyǵyn saýalnama arqyly ańyqtaıdy. Skytrax saýalnama men saltanatty rásimniń barlyq shyǵynyn óteıdi, áýekompanıalar úshin tirkeý jarnasy men logotıp pen nátıjelerin paıdalaný úshin áýekomparıalardan aqy almaıdy.
2023/2024 onlaın-saýalnamasy 2023 jylǵy qyrkúıekten 2024 jylǵy mamyrǵa deıin alty tilde ótkizildi jáne oǵan 100-den astam ulttan 21,42 mıllıonnan astam adam qatystyjáne 350-den artyq áýekompanıany qamtydy.