Bizdiń elimizde shahmat oıynyna erekshe kóńil bólinedi.
Búginde shahmat oıynynan halyqaralyq jarystarda top jaryp júrgen qazaqstandyqtar maqtanyshymyzǵa aınalýda, dep habarlaıdy aqshamnews.kz Polisia.kz-ke silteme jasap.
Shahmat oıyny adamdy jyldam oılanýǵa, jyldam sheshim qabyldaýǵa tárbıelep qana qoımaıdy, adamnyń boıyndaǵy erik-jiger men moraldyq qasıetterdi arttyrýǵa yqpal etedi. Al mundaı qasıetter taǵdyr jolynda aıaǵyn shalys basyp, temir torda júrgender úshin de paıdaly bolatyny sózsiz.
Almaty qalasy boıynsha QAJD-ǵa qarasty №72 mekemesinde de sottalǵandarǵa shahmat oıynyn úıretý júıeli túrde qolǵa alynýda. Osy oraıda jýyrda atalǵan mekeme basshylyǵy Almaty qalasy sport basqarmasynyń qoldaýymen tergeý ızolátoryna Asylhan Karaev jáne Saýmın Sýhanov sıaqty shahmat jattyqtyrýshylaryn arnaıy shaqyryp, jazalaryn sharýashylyq qyzmetindegi jasaqta ótep júrgen sottalǵandar arasynda sheberlik sabaǵyn ótkizdi.
Bul ıgilikti is aldaǵy ýaqytta da jalǵasyn tabatyn bolady. Sottalǵandar arasynda shahmat oıynyn damytýǵa QR Úkimetiniń “Qazaqstan Respýblıkasynda shahmatty damytýdyń 2023-2027 jyldarǵa arnalǵan keshendi josparyn bekitý týraly” qaýlysy da oń yqpal etýde.