Naýryzbaı aýdanynyń ákimi Nazıra Toǵyzbaeva ÓKQ brıfıńinde aýdanda aýmaqtardy abattandyrý jobalary qalaı júzege asyrylyp jatqanyn aıtty.
Máselen, aýdan turǵyndary «Halyq qatysatyn búdjet» aıasynda 46 jobany usynyp, iske asyrdy. Bul - qoǵamdyq keńistikti abattandyrý, jol ınfraqurylymy jáne syrtqy jaryqtandyrý jobalary, dep habarlaıdy almaty-akshamy.kz. Sondaı-aq Qalqaman shaǵyn aýdanynda skver ashý josparlanýda.
«Baǵdarlamanyń tıimdiligin jáne qala turǵyndarynyń oń pikirlerin eskere otyryp, baǵdarlamany qarjylandyrýdy ulǵaıtý týraly sheshim qabyldandy jáne 875 mln teńgege qosymsha 16 joba oryndaldy», - dedi N. Toǵyzbaeva.
Joba aıasynda úsh jerasty jaıaý júrginshiler ótkeline aǵymdaǵy jóndeý júrgizildi, tórt ýchaskede avtosýarý júıesiniń jelileri uzartyldy
«Kelesi jyly biz halyqtyń ómir súrý sapasyn jaqsartý, jaıly ómir súrý ortasyn qalyptastyrý boıynsha jumysty jalǵastyramyz. 2024 jylǵa 2,5 mlrd teńge somasyna 40 jobany iske asyrý josparlanýda», - dep qorytyndylady ol.