Doktorantýraǵa túsý emtıhandary 2021 jyly alǵash ret elektrondyq formatta ótedi.
Bul týraly "Antikor.Live" jobasy sheńberinde Bilim jáne ǵylym mınıstri Asqat Aımaǵambetov baıandady, dep habarlaıdy Almaty-akshamy.kz. QR Bilim jáne ǵylym mınıstrliginiń saıtyna siltemelep.
Vedomstvo basshysynyń aıtýynsha, ótken jyly magıstratýraǵa túsý kezinde testileýdiń elektrondyq formaty aprobasıadan sátti ótken.
"Ótken jyly magıstratýraǵa alǵash ret pılottyq rejımde elektrondyq formatta qabyldadyq. Bıyl da bul rásim elektrondyq formatta ótedi. Biz bul mehanızm sybaılas jemqorlyq táýekelderin joıý turǵysynan óte durys jáne tıimdi ekenin baıqadyq. Endi magıstratýraǵa qabyldaý turaqty negizde elektrondyq formatta júzege asyrylady", – dep atap ótti Asqat Aımaǵambetov.
Vedomstvo basshysy memlekettik qyzmetterdi elektrondyq formatqa aýystyrý barlyq kedergi men táýekelderdi joıýǵa áser etetinin atap ótti.
Sonymen qatar Asqat Aımaǵambetov stýdentterge shákirtaqy tóleýdiń jańa júıesin ázirleý týraly aıtyp berdi. Endigi kezekte stýdentter, magıstranttar men doktoranttardyń stıpendıalary olardyń karta shottaryna tikeleı túsetin bolady dep josparlanyp otyr. Buǵan deıin shákirtaqyny stýdentterdiń úlgerimine qarap, joǵary oqý oryndarynyń ózderi aýdaratyn edi. Pılottyq jobany iske asyrý bastalyp ketti.