Almaty haıýanattar baǵyna amerıkandyq natýralıs-fotograf keldi. Ol sırek kezdesetin ańdardy sýretke túsirip, joıylyp ketýdiń aldyn almaq, dep habarlaıdy Almaty-akshamy.kz.
Qyzyl kitapqa engizilgen aqbókender men ularlardy súretke túsirý úshin Almaty qalasyna 3 kún aıaldadym. Óıtkeni, Almaty haıýanattar baǵynda sırek kezdesetin aqbókenderdi kezdestirýge bolady. Olardyń júris-turysy men kelbeti maǵan qatty unady. Bolashaqta bul janýarlardyń kóbeıip, Qyzyl kitapqa engizilmegenin qalaımyn, – deıdi Djoel Sartore.
Djoel janýarlardy qara nemese aq fonda túsirgen. Osylaısha, sýrette aqbókenderdiń beınesi erekshelene túsken.
Jaryqta paıdalaný – janýarlardyń shynaıy tússterin beredi, al – qara jáne aq fon nazaryńdy basqa jaqqa burmaı, janýarlardyń tikeleı kózine qaraýǵa múmkindik beredi, – deıdi fotograf.
Almaty haıýanattar baǵy Djoel Sartoreni qurmetpen qarsy alyp, jumysyna qajetti quraldarmen qamtamasyz etken.
Onyń sýretterinde kishkentaı tyshqan da, úlken pil de ádemi kórinedi. Fotograf óz jumysyn tıanaqty ári uqypty atqarady. Onyń túsirgen súretterinde tumsa tabıǵat pen jan-janýarlar sheber úndesedi. Fotograf óz jumysy arqyly adamdardyń tabıǵatqa janashyrlyq tanytýyn úgitteıdi. Djoel Sartore bizdiń haıýanattar baǵyn tańdaǵanyna qýanyshtymyz, – deıdi Almaty haıýanattar baǵynyń qyzmetkerleri.
Amerıkandyq maman sýretke túsirgen janýarlardyń kem degende 75-80 paıyzyn joıylyp ketýden qutqarýǵa bolady deıdi.
Adamdardyń jan-janýarlarǵa degen súıispenshiligin arttyrý kerek. Sonda ǵana biz janýarlardy joıylyp ketýden saqtaı alamyz. Osylaısha adamzat balasy Qyzyl kitapqa engen túrlerge qalaı kómek kórsetýdi oılaıdy. Olardyń ómirlerine qaýip tóndiretin áreketterge barmaıdy. Biz uıymdastyrǵan fotokórmeniń maqsaty – úlkendi-kishili barlyq tirshilik ıelerine qurmet kórsetý. Sondaı-aq adamdarǵa janýarlar joıylyp ketse, bizdiń de joǵalyp ketýimiz múmkin ekenin túsindirý, – deıdi Djoel Sartore.