QR Prezıdenti Qasym-Jomart Toqaev kınorejısser Tımýr Bekmambetovti qabyldady, dep habarlaıdy Almaty-akshamy.kz
Kezdesý barysynda elimizdegi kınematografıa salasyn damytý perspektıvalary, kreatıvti ındýstrıa mamandaryn oqytý, otandyq kınokontenttiń kólemin ulǵaıtýǵa jaǵdaı jasaý jáne kınematografısterdi qoldaý máseleleri talqylandy.
Tımýr Bekmambetov dástúrli mamandyq ıelerin (ustazdar, ártister, sýretshiler jáne taǵy basqalary) sıfrlyq kreatıvti ındýstrıaǵa qajetti mamandyqtarǵa qaıta daıarlaý jónindegi jobany ózge elderde júzege asyrý tájirıbesin bólisti.
Qasym-Jomart Toqaev bul salanyń damýyna jaǵdaı jasap, sheteldik mamandardy tartýǵa múmkindik beretin «Kınematografıa týraly» zańnyń mańyzdy rólin atap ótti.
Memleket basshysy álemdik tájirıbege súıene otyryp, otandyq kıno ındýstrıasyn jańǵyrtý qajet ekenine basa nazar aýdardy.
