Josparlanǵan aýdanda 600 mln barel munaı bar
Djo Baıden ákimshiligi Aláskadaǵy «Ýılloý» munaı uńǵymasyn burǵylaý aýqymdy jobasyn maquldap, qorshaǵan orta qorǵaýshylarynyń narazylyǵyn týdyrdy, dep habarlaıdy Almaty-akshamy.kz QazAqparatqa silteme jasap.
«Ýılloý» jobasy – Aláskadaǵy federaldyq úkimetke tıesili Ulttyq munaı qoryndaǵy munaı uńǵymasyn burǵylaıtyn kópjyldyq mekeme.
Joba josparlanǵan aýdanda 600 mln barel munaı bar. Bul munaı naryqqa jetý úshin jyldar kerek, sebebi joba áli júzege asqan joq. Zertteýshilerdiń boljamynsha, alyp jobany iske asyrsa qorshaǵan ortaǵa jylyna 9,2 mln metrlik tonna kómirqyshqyl gazy shyǵady, ol ǵalamdyq jylynýǵa aıtarlyqtaı áser etedi.
Óz kezeginde Aláska bıligi jobanyń maquldanǵanyna qýandy, sebebi bul qajetti jańa kiris kózi jáne shalǵaı aımaqtaǵy jańa jumys ornyn ashýǵa múmkindik. Klımattyq toptar men Aláskanyń burynnan kele jatqan turǵyndary oqıǵany soqqy retinde qabyldady. Olar joba bıoapat týdyrýy múmkin, sonymen qatar, densaýlyq pen qorshaǵan ortaǵa qaýip tóndiredi dep esepteıdi.
Jobaǵa qarsylyq retinde Aq úıge mıllıonnan asa hat joldandy, sondaı-aq Change.org saıtynda mıllıondaǵan qol jınaǵan petısıa iske qosyldy.