Tyıym salynǵan qyzmet túrleriniń tizimi anyqtaldy
2023 jyldyń aqpan aıynan bastap iri ınvestorlar úshin Qazaqstanda jańa jobalardy iske qosý jáne qoldanystaǵy jobalardy jańǵyrtý múmkindikteri edáýir keńeıtildi, dep habarlaıdy Almaty-akshamy.kz Úkimetke silteme jasap.
QR Premer-Mınıstri Álıhan Smaıylov «Investısıany memlekettik qoldaýdy iske asyrýdyń keıbir máseleleri týraly» Úkimet qaýlysyna engizilgen tıisti túzetýlerge qol qoıdy.
Túzetýlerge sáıkes:
- Úkimetpen ınvestısıalyq mindetteme týraly kelisim bekitýdi josparlap otyrǵan zańdy tulǵalar úshin qyzmettiń basym túrleriniń tizbesi alynyp tastaldy. Bul kelisim boıynsha 10 jylǵa deıingi merzimge salyq mólsherlemesi belgilenedi, al ınvestor onyń óteýi retinde qomaqty qarajat salýǵa, qandaı da bir óndiristi iske qosýǵa nemese jańǵyrtýǵa, qazaqstandyq kadrlardy oqytýǵa jáne t. b. mindetteledi.
- Tyıym salynǵan qyzmet túrleriniń tizimi anyqtaldy. Iaǵnı, endi iri kompanıa nemese kásipker bul tizimge engizilmegen kez kelgen ınvestısıalyq baǵytty erkin tańdap, Úkimetpen ınvestısıalyq mindettemeler týraly kelisim jasaı alady.
Tyıym salynǵandar sanatyna:
- aksızdeletin ónimderdiń kóterme saýdasy jáne (nemese) óndirisi
- lotereıa ótkizý
- oıyn bıznesi salasyndaǵy qyzmet jáne t. b. barlyǵy 14 tarmaq jatady.
Basqa barlyq baǵyttar boıynsha shekteýler joq.