Al jergilikti ákimdik jekeniń isine aralasa almaı otyr
Almaty oblysynyń turǵyndary "jerimiz jekege ótip ketti" dep narazylyq bildirdi, dep habarlaıdy Almaty-akshamy.kz "Almaty" telearnasyna silteme jasap.
"Osy sovhozda áke-sheshemiz istegen. Kerbulaqtan byltyrdan beri qýa bastady. "Malyńdy alyp, bizdiń jerden ketińder" dedi. Birinshiden, úıdiń qujaty joq", - deıdi oblys turǵyny Aıdyn Hamıtov.
"Kolhoz qurylǵanda, bireý atyn, bireý arbasyn alyp keldi. Sol jerdi ıgerip, dán alyp, úlesin qosyp otyrdy. Al taraǵan kezde úlesin alýy kerek qoı. Biraq bir adam da jerin alǵan joq", - deıdi oblystyń taǵy bir turǵyny Aıdar Rahymjanuly.
Al jer teliminiń qazirgi zańdy ıesi - "Baıserke Agro" JSHS dırektory kópshilik orynsyz daýryǵyp otyrǵanyn aıtty.
"1990 jyly Qajygeldınniń qaýlysymen, memlekettiń qaýlysymen sovhozdaǵy jer berilmeıdi degen. Qazir halyqqa jumys berip otyrmyz", - dedi "Baıserke agro" JSHS dırektory Qazybek Aqsaqalov.
Al jergilikti ákimdik jekeniń isine aralasa almaıtynyn aıtty.
"Bul kisiler sotqa bardy. Sottyń sheshimi bar. Eger "Baıserke agro" JSHS qandaı da bir zańsyz áreket etse, sot arqyly jerdi qaıtaryp alatyn edi. Endi biz eger ótinish jazsa, bul kisilerge sotqa deıin baǵyt-baǵdar berip, kómek jasaı alamyz", - deıdi Panfılov aýyldyq okrýgi ákiminiń orynbasary Sáýle Myqtybaeva.
Panfılov aýylyndaǵy 2 200 gektar jer qazir egis alqabyna aınalyp, júgeri egiledi.