Álemge áıgili akter, rejıser jáne prodúser Djekı Chan qatysatyn «Qudiretti saýyt» (Armour of God) fılminiń kezekti bólimi Qazaqstanda túsiriledi.
Uıymdastyrýshylardyń málimetinshe, bul joba franshızanyń tórtinshi bólimi bolmaq. Túsirilim ornyn Qazaqstanda ótkizý týraly sheshim Beıjińde ótken kelissózderden keıin qabyldanǵan, - dep habarlaıdy Aqshamnews.kz.
«Qazaqstan – erekshe tabıǵaty men tarıhı nysandarymen kóz tartatyn el. Bul fılmge qajetti atmosferany beredi», – deıdi jobany uıymdastyrýshylar.
Aıta keteıik, «Qudiretti saýyt» franshızasynyń alǵashqy fılmi 1986 jyly jaryq kórip, shyǵys jekpe-jegi men komedıa janryn úılestirgen týyndy retinde Djekı Chandy álemdik deńgeıdegi juldyzǵa aınaldyrǵan edi.