Bıyl dańqty boksshynyń týǵanyna 45 jyl tolýyna oraı Túrkistan mýzykalyq-drama teatry kórermenge Qýat Ejembektiń «Bekzat» dramalyq qoıylymyn tartý etedi.
Kıeli Túrkistan topyraǵynda dúnıege kelip, qazaq sportynyń aıbyndy juldyzyna aınalǵan, Olımpıada chempıony Bekzat Sattarhanovtyń ómir joly sahnalanǵan qoıylym - teatrdyń V-maýsymynyń alǵashqy premerasy, - dep habarlaıdy Aqshamnews.kz.
Qoıylym ıdeıasynyń avtory –Asylhan Tólepov. Joba jetekshisi -Aıgerim Bozshına. Pesanyń avtory – Qýat Ejembek. Qoıýshy rejıseri – Carlo Sciaccaluga. Jaryq boıynsha sýretshi – Gaetano La Mela. Qoıýshy rejıseri —Carlo Sciaccaluga, al rejıseri — Giorgia Coco. Qoıylym kompozıtory – Hamıt Shanǵalıev.
Bekzattyń sport joly alǵash ret bapkeri Nurlan Jumabaevtyń qolynda bastaldy. Keıin ol ulttyq quramanyń tanymal jattyqtyrýshylary – Aleksandr Apachınskıı pen Tursynǵalı Edilovtiń qoldaýymen halyqaralyq arenaǵa jol ashty. Olımpıada qarsańynda ol elimizdiń áıgili sport sańlaqtary – Ermahan Ibraımov, Bolat Jumadilov, Muhtarhan Dildabekovpen jaqyn aralasyp, olardyń tájirıbesinen taǵylym aldy.
Qoıylym tek sharshy alańdaǵy jeńisterdi ǵana emes, sonymen birge ananyń alańdaǵan júregin, ákeniń úkili úmitin, alǵashqy mahabbattyń móldir sezimin, jarystardaǵy básekelestikti, jeńis pen jeńilistiń ashshy-tátti sátterin de sahnada shynaıy jetkizedi. Osylaısha, kórermen Bekzattyń sporttyq bıikterin ǵana emes, onyń adamı bolmysyn, názik sezimderin, otbasylyq qundylyqtaryn jáne el aldyndaǵy jaýapkershiligin de tanyp biledi.
Basty rólderde oınaıtyndar: Qadyrjan Tórehanov, Dosymjan Arqabekov, Aq-Sultan Ánýarbek, Sherhan Samatuly, Temirlan Erkinǵalıev, Muzafar Ǵalymjanuly, Danıas Nurqabden, Mereı Qudaıbergenov, Dınar Qaldybaı, Temir-Sultan Meıirbek, Inabat Abythan, Aıda Serıkova, Aqbópe Sábet, Aıdana Aqqalı, Ulan Ádilbek, Sembaı Nurla.
Atalǵan qoıylymnyń premerasy 2025 jyldyń 9, 10, 11, 12 qazan, saǵat 19:00-ge josparlanyp otyr.