Búgin úsh márte Sosıalısik Eńbek Eri, Qazaq KSR Ǵylym akademıasynyń akademıgi Dinmuhamed Qonaevtyń týǵan kúni. Soǵan oraı ol jaıynda qyzyqty derekterdi jınaqtadyq.
Dinmuhamed Qonaev – KSRO da eń bıik saıası laýazymǵa ıe bolǵan alǵashqy qazaq. Ekinshiden, Dinmuhamed Qonaev KSRO-nyń ishki jáne syrtqy saıasatyn basqaratyn 15 polıtbúro múshesiniń biri bolǵan. Otbasynda 11 balanyń 4-inshisi eken. Onyń boıy – 198 sm. Ózi 46 ólshemdegi aıaqkıim kıgen. Negizgi hobbıi qarý-jaraq koleksıasyn jınaǵan jáne ańshylyqty unatqan. Eń qyzyǵy, Dinmuhamed Qonaevtyń jeke kúzetshileri bolmaǵan. Ózgeler jeke kúzetshilerimen júrgende, Qonaev jumysyna jaıaý baryp-kelip júrgen. Sodan bolar ol kishipeıil basshy retinde este qalǵan. Abylaıhan dańǵyly men Bógenbaı batyr kóshesiniń qıylysyndaǵy úsh qabatty úıde 24 jyl boıy turǵan. Tipti, Qazaqstan KP OK-niń birinshi hatshysy bolǵan kezinde de, qalanyń ortalyǵynda úsh bólmeli páteri bola tura álgi úıde turdy. Al basqa úıge kóshkende Qonaev páterin óziniń kadrlyq saıasatyn qatty synap júrgen jazýshy Áljappar Ábishevke syıǵa tartyp ketken eken. Mınıstrler keńesiniń tóraǵasy bolǵanda Dinmuhamed Qonaev akademık ataǵy úshin ózine tólenetin 340 som aqydan bas tartqan. Ol bul aqshany balalar men jas ǵalymdarǵa kómektesý maqsatynda jumsaǵan. Sondyqtan onyń jeke basynyń baılyq-dáýletke qyzyǵýshylyǵy baıqalmaǵan.