Almaty oblysynyń radıkaldy ıdeologıanyń aldyn-alý baǵytynda qyzmet atqaratyn mamandardyń kásibı biliktiligin arttyrýǵa arnalǵan 3 kúndik oqytý kýrsy uıymdastyryldy.
Atalǵan is-shara Almaty oblysy Din isteri basqarmasynyń uıymdastyrýymen «Novotel» qonaq úıiniń májilis zalynda ótkizildi, dep habarlaıdy aqshamnews.kz.
Biliktilikti arttyrý kýrsynda Almaty oblysy Din isteri basqarmasynyń basshysy Kósheke Erǵalı Ahılbekuly ekstremızm men terorızmniń aldyn-alý jumysynyń mańyzdylyǵyna toqtalyp, qoǵamdaǵy dinı ekstremızmniń qoǵamǵa qaýiptiligi týraly aıtyp ótti.
Kýrstyń basty maqsaty – ońaltý sýbektileriniń biliktiligin arttyrý, oblys turǵyndarymen jumys júrgizýde jańa ádistemelik tásilderdi qoldaný, sondaı-aq oblystyń turǵyndary men qonaqtary arasynda ekstremıstik ıdeologıanyń taralýyn aldyn alý boıynsha tıimdi oqytý kýrsyn uıymdastyrý jáne ótkizý.
İs-shara barysynda ekstremızm men terorızmdi aldyn alý salasyndaǵy spıkerler dáris júrgizip, ǵylymı jáne qyzmettik bilimderimen bólisti.
Atalǵan bastama halyqtyń suranysyna jaýap beretin, bilimdi de bilikti mamandardy qalyptastyrý jáne qoǵamnyń turaqtylyǵyn saqtaýdaǵy is-sharalardyń biri.