Kólik terezesinen qolyn shyǵarǵan jolaýshylar men júrgizýshilerge 10 aılyq eseptik kórsetkish (AEK) mólsherinde aıyppul qarastyrylǵan, dep habarlaıdy aqshamnews.kz
Qazaqstanda terezeden dene múshelerin shyǵarýǵa tyıym salatyn zań 2011 jyldan beri qoldanysta. Alaıda, 2025 jylǵy 13 naýryzda bul talap kúsheıtildi. Ákimshilik quqyqbuzýshylyq týraly kodekske engizilgen ózgeristerge sáıkes, kólik salonynan tys jerde adam tasymaldaǵany úshin jeke jaýapkershilik belgilendi.
İshki ister mınıstrliginiń málimetinshe, bul talap kólik terezeleri men lúkterinen bas, qol nemese aıaq shyǵarý jaǵdaılaryna da qatysty. Sonymen qatar, kólik júrip kele jatqanda esikti ashýǵa da tyıym salynady. Mundaı áreketter jol qozǵalysyna qatysýshylardyń ómiri men densaýlyǵyna qaýip tóndiredi jáne júrgizýshiniń nazaryn buzady dep baǵalanady.
Jańa normaǵa sáıkes, bul erejeni buzǵany úshin 10 AEK (shamamen 39,3 myń teńge) mólsherinde aıyppul qarastyrylǵan. Mundaı áreketterge jol bergen jaǵdaıda jaýapkershilik jolaýshylarǵa emes, júrgizýshiniń ózine júkteledi.
Jańa talaptardyń oryndalýyn polısıa tek kóshedegi patrúlder ǵana emes, sondaı-aq jol boıyndaǵy beınebaqylaý kameralaryndaǵy jazbalar arqyly da baqylaıdy.
İshki ister mınıstrligi júrgizýshilerge kólik salonyndaǵy jolaýshylardyń tártibin muqıat baqylaýǵa shaqyrady. Bul ásirese, ádemi kadrlar úshin áleýmettik jelilerge vıdeo nemese foto túsirýge tyrysatyn balalar men jasóspirimderge qatysty.