Almaty oblysynyń Eńbekshiqazaq aýdandyq kópsalaly aýrýhanasynda mańyzdy kezdesý ótti.
Bul joly aq halatty abzal jandar tek emdeý emes, qoǵamnyń qaýipsizdigi týraly da sóz qozǵady. Jıynnyń basty taqyryby – dinı ekstremızmniń aldyn alý, dep habarlaıdy aqshamnews.kz.
İs-shara uıymdastyrýshysy – Din salasyndaǵy máselelerdi zertteý ortalyǵy. Maqsat – dárigerlerdiń quqyqtyq saýatyn arttyryp, synı oılaý qabiletin damytý arqyly radıkaldy tujyrymnan qorǵanýǵa kómektesý.
Bas spıker retinde dintanýshy, ATT múshesi Ábdihamıtov Baqdáýlet Halıýllauly sóz sóıledi. Ol radıkaldy aǵymdardyń belgilerin naqty mysaldarmen túsindirip, olardyń adamdardy qalaı arbaıtynyn jáne soǵan qarsy qandaı tásilder qoldanýǵa bolatynyn baıandady.
Jıyn barysynda ınternet arqyly belgisiz tulǵalardan bilim alý qaýpi de keńinen sóz boldy. Aqparattyq keńistiktegi radıkaldy yqpaldan qorǵanýdyń mańyzdylyǵy erekshe atap ótildi.
Kezdesý sońynda qatysýshylar osyndaı sharalar dárigerlerdiń ekstremızmge qarsy ımýnıtetin qalyptastyryp, qaýip-qaterge tótep berýge kómektesetinine senim bildirdi. Qoǵamdyq turaqtylyqty saqtaý – ár azamattyń ortaq mindeti ekenin taǵy bir márte kórsetti.