Vıtebskidegi XXX halyqaralyq óner festıvaliniń ashylýynda Dımash Qudaıbergen «Lúbov pohojaıa na son» jáne «Be With Me» ánderin jandy daýysta oryndady.
Saltanatty ashylý rásimine «Slaván bazary – 2015» jeńimpazy, osy sharaǵa shaqyrylǵan qonaq jáne estradalyq ánder baıqaýyndaǵy qazylar alqasynyń múshesi Dımash Qudaıbergen qatysty, dep habarlaıdy Almaty-akshamy.kz Dimashnews.com saıtyna silteme jasap.
Mereıtoılyq festıváldi Belarýs Prezıdenti Aleksandr Lýkashenko ashty.
«Búgingi Vıtebskidegi festıvál – bul kásibı vokaldyq sheberliktiń bedeldi halyqaralyq baıqaýy… bul sahna Taısıa Povalıı, Rýslana, Petr Elfımov, Alena Lanskaıa, Dımash Qudaıbergen jáne basqa da kóptegen tanymal ártisterdiń jarqyn mansabyna bastaý boldy», – dep atap ótti prezıdent.
«Qymbattylarym, súıikti tyńdarmandarym»! Búgin sizderdi kórgenime óte qýanyshtymyn. Dál osy jerde, osydan týra 6 jyl buryn, men eresek shyǵarmashylyq ómirge «joldama» aldym», – dep Dımash kórermendermen amandasty.
Ártis kórermenge óziniń ata-anasyn tanystyryp, jankúıerlerimen birge anasy Svetlana Aıtbaevany týǵan kúnimen quttyqtady.