Buryn dárihanada kóp satyla qoımaıtyn zattyń biri betperde bolsa, búginde ol kúndelikti qajettilikke aınaldy.
QR DSM sanıtarlyq-epıdemıologıalyq baqylaý komıtetiniń tóraǵasy Aıjan Esmaǵambetova "vaksına alsam, betperde taǵýdyń keregi joq deıtinder qatelesedi" deıdi, dep habarlaıdy Almaty-akshamy.kz
«Betperde taǵý qazirgi jaǵdaıda ǵana emes, pandemıa jarıalanǵannan sátten beri ózekti. Vaksına aldyq, endi maska taǵýdyń, qashyqtyq saqtaýdyń qajeti joq dep oılaıtyndar qatelesedi. Ázirge ujymdyq ımýnıtet qalyptasqan joq, vırýs qoǵamda joǵary deńgeıde taralyp jatyr, ókinishke oraı, vaksına alǵandar da aýyryp qalýy múmkin», - dep atap ótti ol Ortalyq komýnıkasıalar qyzmetinde ótken brıfıńte.
Aıjan Esmaǵambetovanyń aıtýynsha, vaksınamen qatar aldyn alý sharalaryn da saqtaý mańyzdy.
«Ózińiz týraly, jaqyndaryńyz ben qart týystaryńyz týraly oılanyńyz. "Delta" shtamynyń da áldeqaıda juqpaly, kóp adamǵa tez taralatynyn jáne aýrýdyń kúrdeli jaǵdaıda ótetinin este saqtańyz. Qurmetti qazaqstandyqtar, ótinemiz, barlyq aldyn alý sharalaryn saqtańyzdar», - dedi QR DSM sanıtarlyq-epıdemıologıalyq baqylaý komıtetiniń tóraǵasy.
Buǵan deıin Aıjan Esmaǵambetovanyń vaksınalaý pasportyn satyp alý reanımasıaǵa joldama alǵanmen teń degenin habarlaǵan edik.