Medal Qazaqstannyń áleýmettik-ekonomıkalyq damýyna qosqan úlesi úshin berilgen
Qazaqstandyq vaınerler Meıirjan Tórebaev pen Dana Eseeva «Qazaqstan Respýblıkasynyń Táýelsizdigine 30 jyl» merekelik medalimen marapattaldy, dep habarlaıdy Almaty-akshamy.kz aikyn.kz-ke silteme jasap.
Marapaty jaıly vaınerler Instagram paraqshasynda jazdy.
Meıirjan Tórebaevtyń sózinshe, medal Qazaqstannyń áleýmettik-ekonomıkalyq damýyna qosqan úlesi úshin berilgen.
«Keshe ákimdikten Qazaqstannyń áleýmettik-ekonomıkalyq damýy úshin berilgen syılyǵymdy aldym. Eshten kesh jaqsy. Moıyndaǵanyńyz úshin rahmet», – dep jazdy Meıirjan Tórebaev.
Áleýmettik jelidegilerdiń kóbi olardy quttyqtady. Keıbiri vaınerlerdiń memlekettik marapatqa laıyq emes ekenin jazyp jatyr.
«Odan da sol medaldi muǵalimderge ber qajet edi. Sebebi olardyń qyzmeti ult úshin mańyzdy. Onyń ústine ustazdardyń memleketke paıdasy da kóp», – dep jazdy bir oqyrman.
«25 jyl ustazdyq etip kelemin, balalardy bilimge baýlımyn. Biraq memleket bir de bir marapat bergen emes», – dep jazǵan Bota esimdi qoldanýshy.