Dımash Qudaıbergen uly aqyn - Abaıdyń týǵan kúnine oraı ánshi óz jankúıerlerine Abaı óleńderin oqyp, beınejazbany jelide bólisýdi usyndy.
Bul týraly Dımash Qudaıbergen óziniń Instagram paraqshasynda habarlady. Chellendjge qatysý úshin Abaıdyń kez kelgen shyǵarmasynan úzindi oqyp, #abaychallange heshtegimen beınejazba jarıalaýyńyz kerek, dep habarlaıdy Almaty-akshamy.kz.
«Hakim Abaıdyń týǵan kúni qarsańynda men bul keremet chellendjdi bastaımyn. Eger siz Men sıaqty jatqa oqyp nemese Abaıdyń júregińiz qalaǵan kez kelgen shyǵarmasyn oqyp, beınege túsirip, jelige salsańyz, bul bizdiń chellendjimizdiń bastaýy bolady», - dedi ánshi.
Esterińizge sala keteıik, Memleket basshysynyń bastamasymen 10 tamyzda elimizde Abaı kúni atap ótiledi.