Qalanyń damýyna jáne ózekti qalalyq máselelerdi jarıa etýge erekshe úles qosqan respýblıkalyq jáne qalalyq BAQ ókilderi men belsendi qoǵam belsendileriniń arasynda Almaty kúnine oraılastyrylǵan baıqaýǵa ótinimder qabyldaý bastalady.
Baıqaýdy Almaty qalasynyń Óńirlik komýnıkasıalar qyzmeti ótkizedi, dep habarlaıdy Almaty-akshamy.kz.
Maqsaty-Almaty qalasynyń damýy týraly úzdik jarıalanymdar, reportajdar, BAQ jáne áleýmettik jelilerdegi sújetter avtorlaryn, belsendi qoǵam qaıratkerleriniń eńbegin baǵalap, kótermeleý.
Ótinimder 2023 jylǵy 10 tamyzdan 10 qyrkúıekke deıin qabyldanady.
Ótinishti qoǵam qaıratkeri, jýrnalıs, uıym basshysy nemese BAQ redaktory ózi bere alady, biraq basqa adamdar da úmitkerge ótinish bere alady.
Baıqaý jeńimpazdary on nomınasıa boıynsha anyqtalady:
1) Almaty týraly jazatyn Úzdik jýrnalıs.
2) Almatynyń eń belsendi qoǵam qaıratkeri.
3) Qalanyń eń belsendi qoǵamdyq uıymy.
4) Almatynyń úzdik blogeri.
5) Almaty týraly úzdik beıneniń avtory.
6) Almatynyń eń belsendi jastar kóshbasshysy.
7) Almaty týraly úzdik telegram-arna.
8) Almatynyń úzdik pablıgi.
9) Almatydaǵy ómirinen habar taratatyn Úzdik aqparattyq saıt.
10) Úzdik YouTube/ Almaty týraly Tik Tok-arna.
Konkýrsqa jýrnalıser, qazaqstandyq BAQ redaktorlary, onyń ishinde áleýmettik jeliler men platformalardaǵy jarıalanymdar men arnalar, blogerler, qoǵamdyq uıymdardyń ókilderi, qoǵam qaıratkerleri qatvsa alady, eń bastysy, olardyń materıaldary nemese qyzmeti Almaty qalasymen baılanysty bolýy qajet.
Ótinimderdi info@rsk.almaty.kz elektrondyq mekenjaıyna «Konkýrsqa qatysý úshin» dep kórsetip jiberý qajet.
Baılanys telefony: 8-775-266-13-33
Saltanatty marapattaý Almaty qalasy kúnine oraı ótedi. Jeńimpazdar baǵaly syılyqtarmen marapattalady.