Tamaqtaný aldynda almanyń qabyǵyn arshyp alý kerek
Halyqaralyq ıntegrasıalyq tamaqtaný ınstıtýtynyń negizin qalaýshy Nata Gonchar densaýlyqqa qaýip tóndiretindikten kóktemde jeýge bolmaıtyn jemisterdiń tizimin jasady, dep habarlaıdy Almaty-akshamy.kz RIA Novostıge silteme jasap.
Mamannyń aıtýynsha, kóktemde júzim, qulpynaı jáne tym ádemi almalardy jeýdi toqtatqan durys.
Gonchardyń aıtýynsha, úlken jáne jarqyn jemisterdi satyp almaý kerek – olarda eń kóp qospalar bar. Tamaqtaný aldynda almanyń qabyǵyn arshyp alý kerek.
«Kóktemde jańa pisken jemisterge tamasha balama – muzdatylǵan jıdekter: teńiz shyrǵany, qaraqat, tańqýraı. Olar paıdaly qasıetterin joǵaltpaıdy jáne barlyq vıtamınderdi saqtaıdy», - dep qorytyndylady dıetolog.
Gonchar óndirýshiler kóbinese qysqy jemisterdiń pisetin nıtrattardyń kómegimen tezdetetinin, bul artyq tutynylǵan jaǵdaıda adam úshin qaýipti ekenin atap ótti. Olar ishki organdardyń jumysyndaǵy aqaýlarǵa ákelýi múmkin. Alma, qulpynaı jáne júzimdi uzaq saqtaý úshin hımıalyq zattarmen óńdeletinin aıtty. Sondyqtan bul adam densaýlyǵyna qaýipti.