Greıpfrýt birqatar aýrýlardan qorǵaıdy
Reseılik dıetolog Svetlana Zelensova greıpfrýtty ne úshin tamaqtaný rasıonyna qosý kerektigin, sonymen birge, onyń qandaı aýrýlardan qorǵaıtynyn aıtty.
Mamannyń aıtýynsha, bul jemis dárýmender jáne mıkroelementterge baı, ásirese kremnıı jáne S dárýmeni kóp. Osynyń bári greıpfrýttyń adamnyń ımýnıtetin kúsheıtip qana emes, sondaı-aq, onyń aǵzasyndaǵy kollagen sıntezin arttyrýǵa kómektesedi.
Bul týraly REN-tv saıtynda jazyldy, dep habarlaıdy Almaty-akshamy.kz tilshisi.
«Bul jemistiń quramynda birqatar fıtohımıalyq zattar bar, olardyń qasıetteri áli kúnge deıin zerttelip jatyr. Olardyń keıbireýi qartaıýdy tejeıtin zat – geroprtektorlar dep tanylǵan. Mysaly, narıngenın antıoksıdantty, vırýsqa qarsy, isikke qarsy, antıbakterıaldy jáne qabynýǵa qarsy qasıetterge ıe», - dep túsindirdi Svetlana Zelensova.
Ol júrek pen tamyrlardyń jaǵdaıyn jaqsartýǵa, sondaı-aq, tábetti basýǵa múmkindik beredi. Odan bólek, greıpfrýttyń quramyndaǵy nobıletın semizdik, ateroskleroz jáne ınsýlındi tózimdilik kezinde de paıdaly.
Dıetolog atap ótkendeı, bul jemis óttiń irkilýi kezinde asqazan sóliniń qyshqyldyǵy tómendese, as qorytý sóliniń bólinýin jaqsartýǵa kómektesedi, al greıpfrýt quramyndaǵy ózek (jasunyq) ishek úshin paıdaly.
«Men bul jemisti aptasyna bir retten jıi bolmaıtyndaı qoldanýǵa keńes beremin»,- dep atap ótti maman.
Sonymen birge, maman bul jemisti kimderge qoldanýǵa bolmaıtynyn da aıtty. Asqazan-ishek traktiniń jiti jedel aýrýlary jáne salısılattarǵa joǵary sezimtaldyǵy barlarǵa ony tamaqtaný rasıonynan tolyǵymen alyp tastaý qajettigin jetkizdi.