Mundaı tujyrymdy Norvegıa ǵalymdary jasap otyr.
"Zıandy tamaqtan bas tartý adam ómirin uzartýǵa kómektesedi", - deıdi Bergen ýnıversıtetiniń ǵalymdary.
Zertteý qorytyndysy PLOS Medicine jýrnalynda jarıalanǵan, dep habarlaıdy Almaty-akshamy.kz Elorda.info saıtyna silteme jasap.
Mamandar birneshe myń jas áıel men er adamnyń qatysýymen zertteý júrgizgen. Nátıjesinde maıly, tuzdy taǵamdardan, qyzyl etten, jartylaı fabrıkattar men táttilerden bas tartý adam densaýlyǵyn aıtarlyqtaı jaqsartatynyn anyqtalǵan. Bul úshin meılinshe durys tamaqtanýǵa kóship, burshaq, balǵyn jemis-jıdek pen kókónisti, jańǵaqtar men tutas dándi ónimderdi tutyný qajet. Osylaısha, zertteýshiler tamaqtaný rasıonyndaǵy mundaı ózgerister ómir súrý uzaqtyǵyn shamamen 10 jylǵa uzartýy múmkin degen qorytyndyǵa kelgen.
«Ártúrli taǵamdardyń qanshalyqty paıdaly ekenin túsiný adamdarǵa densaýlyǵynyń aıtarlyqtaı jaqsarýyna qol jetkizýge múmkindik beredi. Bul óz kezeginde ómir súrý uzaqtyǵyn arttyrýǵa kómektesedi», - deıdi ǵalym Lars Faıanse.