Onyń ishinde 85 bala emdelip jatyr.
Almatyda koronavırýs juqtyrǵan 1310 naýqas em qabyldap jatyr, dep habarlaıdy Almaty-akshamy.kz.
Qalalyq qoǵamdyq densaýlyq basqarmasynyń 9 aqpan kúngi málimeti boıynsha, bir táýlikte qalada 938 adam koronavırýs juqtyrǵan. Barlyq emdelip shyqqandar – 141, kelip túskeni – 144.
Infeksıalyq stasıonarlarda 1 310 adam bar (tósek-oryn - 3310 ). Onyń ishinde 85 bala emdelip jatyr.
Sondaı-aq, reanımasıa jáne qarqyndy terapıa bóliminde 96 adam jatyr.
Al 25 naýqas jasandy tynys alý apparatyna qosylǵan.
«Invazıvti emes jasandy tynys alý apparatynda 30 adam em qabyldaýdy jalǵastyrýda. High flow-da 16 apparat jumys isteıdi», - delingen qalalyq qoǵamdyq densaýlyq basqarmasynyń baspasóz qyzmetiniń habarlamasynda.
Medısınalyq-sanıtarlyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 7 033 pasıent bar.
Onyń ishinde indet belgileri bar, ortasha aýyr jaǵdaıda – 6 556 naýqas, sımptomsyz 477 naýqas bar.