Qazir jaǵdaıy jaqsy.
Almatylyq dárigerler ǵasyr jasaǵan keıýanany Izatıma Jekenova atyndaǵy qalalyq ınfeksıalyq aýrýhanadan shyǵardy, dep habarlaıdy Almaty-akshamy.kz Almaty.tv silteme jasap.
Dámesh Qarataeva 5 aqpanda jótel men álsizdik dendep, aýrýhanaǵa túsken. Dárigerlerdiń aıtýynsha, sol kezde keıýananyń jaǵdaıy aýyr bolypty. Birden ıntensıvti terapıaǵa kiristik degen mamandar «Aýrýdy jeńýdegi basty nárse – naýqastyń ómirge degen qushtarlyǵy» deıdi.
«KT-1» 25 paıyzben tústi. Jalpy, túsken kezde basy aınalyp, jótelmen, álsizdikpen aýyr halde boldy. Qazir jaǵdaıy jaqsy», - dedi I. Jekenova atyndaǵy qalalyq klınıkalyq aýrýhananyń bólim basshysy Dánıa Nasyrbekova.
Ǵasyrlyq ǵumyr keshken keıýananyń ózi úıine qaıtýǵa asyq. Eki sóziniń birinde aq halattylarǵa alǵysyn aıtyp, jaǵdaıynyń jaqsarǵanyna dán rızalyǵyn bildirdi.
«Meni emdep, qoldaý bildirip jatqan bárińe rahmetimdi aıtamyn, aınalaıyndar! Ómir jastaryń uzaq bolsyn! Meniń jasymdy bersin, áýmın!» - dep batasyn berdi Dámesh Qarataeva.