Búgin – Jalpyhalyqtyq referendým. Qazaqstan azamattary Atom elektr stansıasyn salýǵa qatysty sheshim qabyldaıdy. Ol úshin AES-ti qoldap, nemese qarsylyq bildirip daýys beredi.
Osy rette №101 saılaý ýchaskesine Referendýmǵa daýys berýge ánshi, kompozıtor Dıdar Kaden keldi, dep habarlaıdy aqshamnews.kz.
«Referendýmǵa qatysyp, óz daýsymyzdy berip, azamattyq paryzymyzdy ótedik. Bul – elimizdiń jarqyn bolashaǵy úshin jasalyp jatqan ıgi is. Barsha januıamyzben, týǵan-týystarymyzben tańdaýymyzdy jasadyq», -dedi ol.
Aıta keteıik, daýys berý – azamattardyń turǵylyqty jeri boıynsha referendým ýchaskelerinde ótedi. Ýchaskeler 07:00-den 20:00-ge deıin ashyq bolady. Azamattar jeke kýáligin ne tólqujatyn kórsetý arqyly daýys bere alady.