Belgili aqyn, «Eren eńbegi úshin» medaliniń ıegeri, «Alash» halyqaralyq ádebı syılyǵynyń laýreaty Ádilǵazy Jaqsylyquly Qaıyrbekov Qazaqstanda atom elektr stansıasyn salý máselesi boıynsha referendýmǵa qatysty, dep habarlaıdy aqshamnews.kz.
Ádilǵazy Qaıyrbekov Almatynyń Áýezov aýdanyndaǵy № 123 mektepte ornalasqan №624 saılaý ýchaskesine keldi.
«Búgin referendým ótip jatyr, onyń qorytyndysy elimizdegi ózgeristerge áser etedi. Qazaqstan halqyna AES qurylysy máselesi boıynsha kózqarasyn bildirý múmkindigi óte mańyzdy. Osy máselege qatysty barlyq túıtkildi zerttep, men bolashaq urpaqtyń ómirine oń áser etetin sheshimdi qoldadym», – dedi Ádilǵazy Jaqsylyquly.
Esterińizge salaıyq, búgin Qazaqstanda atom elektr stansıasyn salý máselesi boıynsha respýblıkalyq referendým ótip jatyr. Almaty ákimi Erbolat Dosaev jubaıymen birge tańerteń №388 mektep-lıseıinde ornalasqan saılaý ýchaskesine alǵashqylardyń biri bolyp kelip, daýys berdi. Almatylyqtar saılaý ýchaskelerine baryp, saǵat 20:00-ge deıin daýys bere alady.