Almatyda turǵyndar tańnan bastap saılaý ýchaskelerine otbasymen kelip jatyr. Jetisý aýdanynda nemere-shóberelerimen birge erli-zaıypty azamattyq boryshyn oryndaý úshin kelgen, olar bul kúni altyn toılaryn atap ótýde, dep habarlaıdy aqshamnews.kz
Qanaevtar jáne Kóbesovtar otbasy jasyna qaramastan, AES qurylysy boıynsha referendýmda daýys berý úshin alǵashqylardyń biri bolyp keldi.
«Referendým – qazirgi Qazaqstan tarıhyndaǵy mańyzdy kezeń. Árbir azamattyń saralanǵan sheshimine bolashaq urpaqtyń ómiri baılanysty. Búgin men jubaıymmen, balalarymmen birge keldim jáne azamattardy belsendilik tanytýǵa shaqyramyn», – dedi Nurǵalı Qanaev.
Sondaı-aq, referendýmda alǵashqylardyń biri bolyp Kóbesovtar otbasy da daýys berdi.
«Búgin jubaıym ekeýimiz 50 jyl otasqanymyzdy atap ótip jatyrmyz, osy ýaqyt ishinde kóp nárseni bastan ótkerdik. Qazirgi Qazaqstanda halyq el bolashaǵyn ózi aıqyndaıtyny qýantady, sondyqtan árkim saılaý ýchaskesine kelip, tańdaýyn jasaýy mańyzdy», – dedi Beısenhan Kóbesov.
Eske sala keteıik, búgin Qazaqstanda AES qurylysy máselesi boıynsha respýblıkalyq referendým ótip jatyr.
Almaty ákimi Erbolat Dosaev ta jubaıymen birge №388 mektep-lıseıde ornalasqan saılaý ýchaskesine alǵashqylardyń biri bolyp kelip, daýys berdi. Almatyda barlyǵy 624 saılaý ýchaskesi jumys isteıdi, olar saǵat 20:00-ge deıin ashyq bolady.