Almatylyqtarǵa óz erkimen ýchaskelerdi keneden tazartý jumysyn jasaýǵa bolmaıtyndyǵyn aıtty
Bul týraly Almaty qalasynyń ÓKQ alańynda "Almaty qalasy boıynsha dezınfeksıa ortalyǵy" QR DSM sanıtarlyq-epıdemıologıalyq baqylaý komıtetiniń "Ulttyq saraptama ortalyǵy" fılıalynyń dırektory Berik Baımýrzınov aıtyp berdi, dep habarlaıdy Almaty-akshamy.kz.
Almatyda saıabaq aımaqtary men orman alqaptaryn kenege qarsy óńdeý jumystary bastaldy. Ortalyq basshysy habarlaǵandaı, tazartý jumystary eki kezeńde "favorıt VKE" qaýipsiz ınsekto-akarısıdtik preparatyn qoldana otyryp júrgiziledi.
Ortalyqtyń eskertýinshe, preparat qaýipsiz bolsa da, turǵyndar óz aýmaqtarynda dezınfeksıa júrgizýine bolmaıdy. Densaýlyq saqtaý sharalaryn tolyq ustanbasa, qaýip tónýi múmkin.
"Preparat qaýipsiz bolsa da, barlyq nusqaýlyqtarǵa saqtaý kerek. Kenege qarsy tazalaý jumystaryn mamandar barlyq dezınfeksıa sharalaryn saqtaı otyryp jáne tek ruqsat etilgen, sertıfıkattalǵan preparattarmen júrgizedi. Senimdi jáne sertıfıkattanǵan mamandardy shaqyrýǵa keńes beremiz!", - dedi B.Baımýrzınov.
Spıkerdiń aıtýynsha, dezınseksıalyq is-sharalar qalada sońǵy 8 jylda jáne eki aınalymda ótkizilip keledi. Bul qalalyq saıabaqtar, qalanyń segiz aýdanyndaǵy alańdar, jalpy aýdany 519, 616 ga, sondaı-aq orman alqaptary - 1904,924 ga.
"Kenege qarsy dezınseksıalyq óńdeý negizinen kene ensefalıtiniń tabıǵı oshaqtarynda júrgiziledi. Bul Alma-Arasan shatqaly, Medeý tabıǵı parki, Kók Tóbe saıabaǵy, Býtakov shatqaly, Qaraǵaıly shatqaly, Naýryzbaı aýdanyndaǵy taýly jer bolyp tabylady", - dep qorytyndylady spıker.