Dezınfeksıa, dezınseksıa, deratızasıa qyzmetteri túrimen «Ruqsattar jáne habarlamalar týraly» QR Zańyna sáıkes habarlama boıynsha mamandandyrylǵan uıymdar aınalysady.
2024 jylǵy 1 shildeden bastap dezınfeksıa, dezınseksıa jáne deratızasıa qyzmetterin lısenzıalaý engiziledi.
Densaýlyq saqtaý salasynda dezınfeksıalaý, dezınseksıalaý, deratızasıalaý úshin qoldanylatyn preparattar memlekettik tirkeýge jatady.
Halyqtyń densaýlyǵyn saqtaý jáne sanıtarıalyq-epıdemıologıalyq salamattylyǵyn qamtamasyz etý úshin kelesi usynymdardy saqtaý mańyzdy:
1) jándikterden óńdeý júrgizý úshin jándikter men kemirgishterden profılaktıkalyq óńdeýdi júzege asyratyn mamandandyrylǵan uıymdarǵa júginý qajet;
2) óńdeýdi óz betinshe júrgizýge, tirkelmegen, sondaı-aq veterınarıa men fıtosanıtarıaǵa arnalǵan preparattardy paıdalanýǵa qatań tyıym salynady;
3) mamandandyrylǵan uıymdardy tarta otyryp, dezınseksıa júrgizer aldynda obektiniń ákimshiligin (PIK, MIB jáne t. b.) jáne baspaldaq alańy men joǵarydaǵy jáne tómendegi kórshilerińizdi ony ótkizý kúni men ýaqyty, qoldanylatyn quraldar men saqtyq sharalary týraly habardar etińiz;
4) dezınseksıa terezeler jabyq bolǵan kezde júrgiziledi. Jumys aıaqtalǵannan keıin bólme preparatty qoldaný jónindegi nusqaýlyqqa sáıkes muqıat jeldetiledi, jeldetý júrgizilgenge deıin úıde qalmańyz, biraq preparattyń áser etý ýaqytynda taza aýada serýendegenińiz jón.
Jándikterdi ózdiginen óńdeý sizdiń jáne týystaryńyzdyń densaýlyǵyna zıan tıgizýi múmkin, tipti ólimge ákelýi múmkin. Ózińizge jáne jaqyndaryńyzǵa qamqor bolyńyz!