Memlekettik kirister komıteti 2023 jylǵy 1 qarashadan bastap Qazaqstan-Reseı shekarasynda «Bıdaıyq» avtomobıl ótkizý pýnktinde (Soltústik Qazaqstan oblysy) «CarGoRuqsat» elektrondyq kezek júıesin qoldaný boıynsha pılottyq joba iske qosylǵanyn habarlaıdy.
«CarGoRuqsat» tasymaldaýshylarǵa Reseı Federasıasymen shekaradan ótý úshin kezekti aldyn ala brondaý múmkindigin beredi.
Pılottyq joba sheńberinde elektrondyq kezekti brondaý tegin negizinde júzege asyrylady.
Elektrondyq kezekti qoldaný shekaradan ótýdiń ashyqtyǵy men jedeldigin qamtamasyz etýge múmkindik beredi, júk avtokólikterdiń jınalýyna jol bermeıdi.
Sonymen qatar, «CarGoRuqsat» memlekettik organdardyń 13 aqparattyq júıesimen biriktirilgen, bul baqylaý fýnksıalarynyń bir bóligin avtomattandyrýǵa jáne adamı faktordy alyp tastaýǵa múmkindik berdi.
Atap aıtqanda, elektrondyq kezekti brondaý kezeńinde saqtandyrý polısteriniń, tasymaldaýǵa ruqsattardyń, aqyly joldar boıynsha bereshekterdiń jáne t. b. bolmaýy baqylaý júzege asyrylady.
Máselen, pılottyq jobanyń basynan bastap elektrondyq kezekti brondaý kezinde tasymaldaýshylarda júk avtokólikterin basqarý quqyǵyna tıisti sanattaǵy halyqaralyq tasymaldarǵa ruqsattardyń, saqtandyrý polısteriniń jáne t. b. bolmaýy faktileri anyqtaldy.
Mundaı qujattardyń bolýy qoldanystaǵy zańnamada kózdelgen, barlyq tasymaldaýshylar úshin mindetti jáne jol júrisi qaýipsizdigin qamtamasyz etýge baǵyttalǵan. Óz kezeginde, buzýshylyqtary joq parasatty tasymaldaýshylar elektrondyq kezekti engizýdi oń qabyldap, shekaradan ótýdiń jedeldigi týraly habarlaıdy (10-15 mınýt ishinde).
«Bıdaıyq» ótkizý pýnkti mobıldi ınternetpen qamtamasyz etilgen, qyzmetkerler qajetti konsýltasıalyq jáne tehnıkalyq kómek kórsetedi, onyń ishinde júrgizýshilerde baılanys bolmaǵan kezde, elektrondyq kezekti brondaý kezinde suraqtar bolǵan kezde jáne t. b.
Pılottyq jobany iske qosý týraly aqparat buryn respýblıkalyq jáne óńirlik deńgeıdegi buqaralyq aqparat quraldarynda jarıalanyp, óńirdiń iri eksporttaýshylary men tasymaldaýshylarymen dóńgelek ústelder ótkizilgenin atap ótý qajet.
Qosymsha konsýltasıalar maqsatynda 13 qarashada Soltústik Qazaqstan oblysy Ýálıhanov aýdany ákimdiginiń alańynda, 14 qarashada «Atameken» óńirlik kásipkerler palatasynda keńes josparlanǵan.
Pılottyq jobanyń basynan 10 kún ótkeninen «CarGoRuqsat»-ta 123 júk avtokóligi elektrondy kezekke brondaldy, onyń ishinde 79 avtokólik Reseı Federasıasyna ótti, 44 avtokólik kezekke sáıkes ótkizý pýnktine keledi.
Jalpy, «Bıdaıyq» ótkizý pýnkti shtattyq rejımde jumys isteıdi, júk avtokólikteriniń jınalýy baıqalmaıdy.
Barlyq suraqtar boıynsha 1414, 8-800-080-7777 telefondar arqyly MKK Sall-ortalyǵyna habarlasýǵa bolady.