Almatyda 2021-2025 jyldarǵa arnalǵan turǵyn úı qoryn jańartý baǵdarlamasy jumys isteıdi.
Jol kartasyn júzege asyrý aıasynda Almaty qalasy boıynsha 250 úıdiń turǵyndaryn kóshirý josparlanýda, onda 1800 páter apatty jaǵdaıda jáne sanıtarlyq normalardyń talaptaryna sáıkes kelmeıdi, dep habarlaıdy Almaty-akshamy.kz.
Jalpy, baǵdarlama boıynsha bıyl 3 úı buzylýy kerek edi. Búgingi tańda 20 úı (186 páter) buzylyp, jańa úılerdi salý boıynsha ázirlik jumystary men qurylys jumystary bastaldy.
Jol kartasyn iske asyrýdy baqylaý sheńberinde Saýranbaev — Moldaǵalıev — Chernyshevskıı — Tolstoı kósheleriniń ishinde ornalasqan qurylys obektisine Máslıhattyń turaqty komısıasy depýtattary Maksım Fınogenov, Ámirjan Nábıev, Askat Qabashevtyń, Energıa tıimdilik jáne ınfraqurylymdyq damý basqarmasynyń, Túrksib aýdany ákimdiginiń jáne «Almaty» ÁKK qatysýymen 2 ret shyqty.
Monıtorıń barysynda paıdalanýǵa berilgen úıler ınjenerlik jelilerdiń bir bóligine qosylmaǵandyǵy anyqtaldy. «Almaty» ÁKK aqparatyna sáıkes, barlyǵy 62 páter paıdalanýǵa berildi, onyń 43-i eski buzylǵan úılerdiń turǵyndaryn kóshirýge arnalǵan.
Tamyz aıynda ótken monıtorıń barysynda baǵdarlama ákimshisi men qurylys salýshyǵa qalalyq komýnaldyq qyzmettermen birlesip ınjenerlik jelilerdi júrgizý kestesin anyqtaý usynyldy. Tıisti qalalyq qyzmettermen kelissózderden keıin úıge sý jáne káriz jelileri tartyldy. Sondaı-aq gaz jáne jylý jelilerine qosý boıynsha jumystar júrgizilýde.
Renovasıa jobasyn iske asyrý barysy máslıhat depýtattarynyń baqylaýynda.