Erevanda TMD memleketteri birikken áskerı baılanys júıesiniń jumys isteýi jáne ony damytý máselelerin talqylady.
QR Qorǵanyń mınıstrliginiń dereginshe, Qazaqstan Qarýly Kúshteri Bas shtaby baılanys departamentiniń bastyǵy, polkovnık Arman Qalıjanov TMD-ǵa múshe memleketter Qarýly Kúshteri baılanys basshylarymen ótken Úılestirý komıtetiniń kezekti otyrysyna qatysty, dep habarlaıdy Almaty-akshamy.kz.
Armenıa, Belarýs, Qazaqstan, Qyrǵyzstan, Reseı jáne Tájikstan Qarýly Kúshteri baılanys áskerleriniń basshylary birikken baılanys júıesin qurý, onyń jumys isteýi jáne damytý boıynsha oryndalǵan jáne josparlanǵan is-sharalardy, birlesken oqý-jattyǵýlardy ótkizý kezinde baılanysty uıymdastyrý erekshelikterin jáne basqa da uıymdastyrý máselelerin talqylady.
Otyrys qorytyndysynda Úılestirý komıtetiniń aldaǵy bes jylǵa arnalǵan jumys jospary qabyldandy.
Sondaı-aq, TMD-ǵa múshe memleketter qarýly kúshteriniń baılanys toraptarymen kelesi jylǵa arnalǵan birlesken jattyǵýlar kestesi bekitilip, kezekti birlesken keńestiń bastapqy kún tártibi talqylandy.