«Abai Uii» jumysynyń negizgi qaǵıdaty – sheteldegi qazaq ulttyq mádenı ortalyqtaryn biryńǵaı jelige biriktirý.
2021 jylǵy 7 qazanda «Otandastar qory» KEAQ Qyrǵyz Respýblıkasynyń Ulttyq kitaphanasynyń bazasynda Qazaqstan Respýblıkasy Aqparat jáne qoǵamdyq damý mınıstrliginiń qoldaýymen Qyrǵyzstanda turatyn otandastarmen kezdesý ótti, dep habarlaıdy Almaty-akshamy.kz atalǵan mınıstrliktiń baspasóz qyzmetine silteme jasap.
İs-sharaǵa «Otandastar qory» KEAQ prezıdenti Nurtaı Abykaev, Qazaqstan Respýblıkasy Parlamenti Májilisiniń depýtattary Qazbek Isa, Maqpal Tájmaǵambetova jáne qazaqtar qaýymdastyǵynyń tóraıymy Gúlshat Asylbaeva, Qyrǵyzstannyń qazaq qaýymdastyqtarynyń ókilderi qatysty.
İs-shara aıasynda Bishkek qalasynda «Abai Uii» mádenı-iskerlik úıiniń ashylý rásimi ótti.
«Abai Uii» MİÚ jumysynyń negizgi qaǵıdaty sheteldegi qazaq ulttyq mádenı ortalyqtaryn biryńǵaı jelige biriktirý, ulttyń mádenı murasyn nasıhattaý, sheteldik qazaqtarmen iskerlik jáne gýmanıtarlyq baılanystardy nyǵaıtý, qazaqstandyq bıznesti shetelde ilgeriletý, tarıhı Otanyna kóshýge nıet bildirgen otandastardy repatrıasıalaýǵa daıyndaý bolyp tabylady.
Qazaqstan Respýblıkasy Elshiliginiń málimeti boıynsha, Qyrǵyz Respýblıkasynda 39 myńǵa jýyq etnıkalyq qazaq turady