Depýtat Dáýlet Muqaev kvadroberler kóbeıe bastaǵanyn aıtyp dabyl qaqty, dep habarlaıdy aqshamnews.kz.
«Ata-analarǵa úndeý. Aı ótken saıyn tórt aıaqty adamdar qatary kóbeıip barady. Iá, olar mysyqqa, ıtke, qasqyr, sileýsinge eliktep solardyń kúıin keshýde (máýlaıdy, úredi, ulıdy). Tipti, tamaǵyn jeıdi. Shetelderde tórt aıaqty haıýanǵa eliktegenderdiń adamdardy tistegen, tyrnaǵan áreketteri tirkelgen. Osylaısha, adamdar adamshylyqqa emes naǵyz aıýandyqqa qadam basyp jatyr. Bul bir juqpaly aýrýdaı. Ásirese, jasóspirimder bir-birinen kórip elikteýde. Ata-analarǵa dabyl qaǵyp jatqanym da osydan. Bul sýbmádenıet. Bunyń artynda ózge kúshterdiń úlken bıznesi tur! Saq bolyńyzdar! Kvadroberlerdiń áreketin bizdiń organdar muqıat zertteý kerek. Kerek deseńizder, biz (Parlament) arnaıy zań shyǵarýǵa da daıynbyz», - dep jazdy Dáýlet Muqaev.